تكفون ابغى اكفل يتيم لكن ما عند ارقام

موضوعك جا في وقته ياليت البنات يساعدونا عن افضل طريقة لكفاله اليتيم وايش الاجراءات المتبعه
علشان نكفل اليتيم
واي المؤسسات الخيرية اللي نقدر من خلالها نكفل اليتيم
وبودي لو يكون اليتيم داخل المملكه

السلام عليكم ورحمه الله وبركاته

اذا كان قصدك تتبنين طفل عن طريق جمعيه وذلك بدفع مبلغ مالي لليتيم فممكن عن طريق هيئه الاغاثه العالميه
ويكلف بين 1200 الى 1600 لليتيم الواحد في السنه
او عن طريق جميعيه انسان ويكلف تقريبا 3000 لليتيم

اما اذا كان قصدك تكفليني يتيم عشان يعيش معك
فللاسف النظام عندنا جدا متشدد في هذه الناحيه
ويوجد شروط كي يتم الموافقه على الشخص اللي يطلب التبني
وبعد ذلك هناك قائمه انتظار طويله جدا اكثر من سنتين انتظار

انا وحده من صديقاتي راحت لملجاء ايتام في الرياض تبغى تتبنى طفل وكانت تعتقد ان المسائله سهله وانها ممكن تشوف الايتام
لكن طبعا رفضوا انها تشوف الايتام
واعطوها الشروط اللي للاسف تكاد تكون تعجيزيه
وفي الاخير قالوا لها ان الانتظار اقل مده تكون سنتين واكثر

للاسف ياليت المسائله تتسهل اكثر عشان الايتام اول وعشان الاهل المحرومين ثانيا
فاكيد اليتم افضل له العيش مع اسره تحبه وترعاه عن العيش في الملجا

الله يسهل لك اختي ويكتب لك الاجر ويرزقك ويرزقني ولا يحرمنا يارب

الله يجزاك خير أختي
طبعاً ابغاه يعيش معاي في البيت الله يسهل امرنا ويكتب لنا إلي فيه الخير

هى تساهيل من الله

صديقتى تبنت يتيم وماخذ معاها الموضوع اكثر من 3 شهور
طريقه تقدمى على الشؤون الاجتماعيه فى المدينه لى انتى موجوده فيها
وطبعا راح ياخذو بينات عنك وعن زوجك وتزكيه المسجد لى زوجك يصلى فيه واحيانا يشرطو تكون عندك مرضعه من الاقراب

وتنتظرى الى مايقولون لك تعالى لقينا لك طفل وطبعا لازم يكون فى تانسب فى اللون بينكم وبين الطفل لى بتاخذونه

ياعسل اول شيء تروحين للقسم النسوي للرعاية الاجتماعيه
وتقولين انك تبين تحتظنين يتيم ( فترة دوامهم من الصباح الى الساعه 2 الظهر والله اعلم )
عااد تمسك وحده من المشرفات وتعطيك مجموعة اسئله خاصه فيك انت وزوجك
من ناحيه مدة الزواج ،سبب الاحتظان ، راتب زوجك ، عمركم ، ........) وتطلب صورة لكرت العائلة
ثم تروح معاكم للبيت عشان تشوف بيتك وتكتب تقرير وترسله لكتب الشؤؤن الاجتماعيه فرع الرجال ويروح زوجك لهم يعطيه مجموعة اوراق يعبيها
زي الفحص الطبي لك وله وتزكيه من امام المسجد او العمده وكفيل له من مكان العمل او ( والله ناسية بالضبط )
المهم بعد اكتمال الاوراق يرسلوه للرياض ثم يجي تقرير بالموافقة ويقولون لك استني دورك لما يجي واحنا ندق عليك
اتمنى اكووون وضحت لك يالغاليه
وبالتوفييييييييييق عيوني