تكفون ابغى حل زوجي مدمن ...

السلام عليكم
مشكلتي ان زوجي مدمن وعندي منه عيال
اكتشفت انه مدمن حشيش وحبوب بعد زواجي ب3سنوات
يشك فيني ويصارخ ويضربني احيانا يغمى علي من الضرب واحيانا تطلع كدمات في عيوني وجسمي
طبعا يتيمه لأم ولااب ولارزقني ربي بأخوان
ولاعندي غير الله اشكي له
كان ابوه وامه اكثر الوقت يفكوني منه
واخيرا بعد 9سنوات زواج اقتنع انه يروح مستشفى الامل وراح مستشفى الامل في الشرقيه
قعد شهر وطلعوه واعطوه مراجعات وادويه مرت سنه وزوجي تغير 100درجه راح الشك من راسه وصار حنون ولايمد يده ولاحتى يرفع صوته علي صارت حياتنا جنه والحمدلله بعد سنه رجع لهم وهو بدأ يطفش من العلاج وقال خلاص وقفوه قالوا باقي سنه ثانيه وطبعا طفش وصار يأخر المواعيد مايروح على الوقت والادويه يوم يأخذها وعشره لا
الحين صار له 5ايام ماخذ العلاج وحلف انه مايروح المراجعه الجايه والعلاج النفسي خطير انه ينترك فجأه
وماهو هذي المصيبه المصيبه اني اكتشفت انه قبل شهر رجع للحبوب الحشيش لا
رجع لرفقاء السوء حسبي الله عليهم وصار يسهر كثير وعرفت انه رجع لها
انا خايفه ان حياتي ترجع زي اول ماني عارفه كيف اتصرف
افكر اني اذا مديده اروح المحكمه اشتكي واطلق واروح اعيش في بيتي ابوي لحالي كاسر ظهري عيالي انا اعرف انه بيقهرني بهم كم مرة قالي ماراح اخليهم لك حتى لو اذبحهم واذا اخذتهم بالقوة بيترصد لي ولهم
افكر اني اقول لأبوه يجبره يروح المراجعه الجايه ويدخل معه ويكلم الدكتور ويقول له انه رجع عشان يمسكوه عند كم شهر
تكفون اللي عنده حل تقوله لي
بدون تجريح انا لحالي ضايقه فيني الدنيا افكر لو عندي اهل رحت لهم وتركت الهم والمشاكل