تكفون ابغى علاج للصداع النصفي بدون مسكنات

انا مثلج عندي الشقيقة من اكثر من عشرين سنه وحاليا استخدم دوا اسمه Relpax ومرتاحه عليه ولله الحمد

الله يشفيك أختي
قريت مرة قصه منقوله من قصص الشيخ خالد الحبشي
مفادهاإن وحده لها سنين كثيره معها الشقيقه او صداع كامل
موفاكره بس المهم نوع من الصداع و تعبت منه
صارت تقرأ البقره 3 مرات يوميا
وبعد مده شفيت
هذي القصه نسختها
شفيت من الشقيقة (الصداع النصفي)
جاءتنا وهي تشتكي من الشقيقة (الصداع النصفي) وأنها تعبت من علاجه
حتى وصلت إلى ألمانيا ولكن لافائدة لمدة تقارب 20 عاما فقرأت عليها وظهرت عليها أعراض العين والحسد
فوجهتها إلى قراءة سورة البقرة يوميا قدر الإستطاعة فجاءت بعدها بفترة وهي مسرورة وتدعو لنا بالتوفيق
وتقول والله كنت أقرؤها كل يوم 3 مرات وفي اليوم الخامس عشر من قراءتها شعرت وسمعت في رأسي مثل الانفجار
وصرخت خوفا وألما فما هي إلا ثوان وإذا برأسي خفيف جدا ولا أثر لذلك الصداع وكأني لا أحمل ثقلا خفيفة جدا ومن ذلك الوقت وهي بخير وعافية

خوذو هالوصفه وماأبغ إلا تدعون لي إن الله يسخر لي زوجي ويصلح عيالي ويرزقني برهم ويرزقني الوظيفه الحكوميه ياااااااااارب هي سهله جدا وبإذن الله إذا مانفعت ماتضر بإذن الله
اخلطي كوب حبة بركه مطحونه + نصف كوب من قرنفل مطحون +نصف كوب يانسون مطحون
لازم تكون كمية حبة البركه ضعف اليانسون والقرنفل يعني الي بتقلل الكميه لابد تلتزم بالطريقه الي هي حبة البركه تكون الضعف مثلا حطيتي فنجالين قهوه حبة بركه مطحونه تحطي فنجال قرنفل وفنجال يانسون أتمنى فهمتوني واخلطو الخلطه مطحون وضعيها بعلبه بالثلاجه
عند الاحساس بالصداع ضعي ملعقه كبيره من الخلطه على علبة زبادي واخلطيها وكوليها بالعافيه وهاتي زيت حبة البركه وضعيه على فروة الراس مع تدليك خفيف للفروه ولفي شعرك بشال ونامي يعني ادهني راسك بالزيت مع تدليك للفروه ولفي شعرك وعلى طول كلي علبة الزبادي ونامي بإذن الله تصحين مافيك الا العافيه وتراها مجربه ونفعت مع ناس كثير واذا مانفعت يمكن داخل براسك هوى بنفاس يقولون الوحده لاصابها خوى( الي هو جوع وصداع وغثيان) بنفاسها يستمر معها عمرها كله نصيحتي اذا مانعتكم تعالجو عن الخوى يمكن خوى بروسكم الله يشفيكم ويعافيكم ....لاتنسوني من دعواتكم .

ونسيت أقول لك ترى الوصفه علاج يعني مو شي سحري من أول مره لا فيه ناس من أول مره وفيه ناس تكررها كذا مره وتتعافى يعني اذا سويتيها وحسيتي انه ماراح الصداع مره بس يعني خففت عليك شوي كرريها لين الله يشفيك

احيانا سبب الصداع النصفي من المعده تاكدي ماعندك شي بالمعده خذي فصين ثوم مفروم قبل النوم علا زبادي قليل الدسم وإن شاء الله بتدعيلي مجررررربه وقللي الفلافل والمنبهات والاكلات السريعه والزيوت