تكفون ابغى مساعدتكم في اقرب وقت

تكفون عيوناتي
حاسة اني في ورطة في دوامة ماني قادرة اتصرف
جارتي توي متعرفة عليها ما لقيتها الا مرة
امس الي هو يوم السبت دقو عيالها علي الجرس
وش فيكم
تعالي امي تبغاك
والله لايوريكم اسمع صوت بكاء ونحيب المرة حامل قلت اكيد صقطت زوجها مو موجود مسافر لة ثلاث ايام
المهم غيرت ملابسي ولبست العباية وفريرا رحت لها
وش فيك ام تركي
قالت زوجي طلقني
علما اني فهمت من مقابلتي الاولى لها انة مطلقها قبل يمكن اسبوعين
طننت (يعني تعجبت علامة تعجب)
وش اسوي وش اقول لها
ما عندي اي كلام وش اقول المهم صرت اقول كلام هدي اعصابك لا تنزعجين
اول شي سويتة طردت عيالها من عندنا ياحليلهم كان منظرهم يقطع القلب
كلهم درج
درج بالعامية يعني سنهم قريب من بعض واحد ثالث ابتدائي والثاني اولى والثالث تحتة والرابع تحتة والخامسة بنوتة عمرها يجي سنة
وحامل الحبيبة
بكرة الاحد باروح لها لسا زوجها ما اجى من السفر ابغى اوانسها
وش اقول لها وش اواسيها واقول
ساعدوني الله ينولكم الي في باااااااااااااااالكم