تكفون ابي افض فض لكم وارجوكم بدون رد جارح

السلام عليكم ورحمة الله

انا قرر اخيرا اكتب لكم هذه المشكله وهي بين وبين سلفتي ونفسي
يناس يا اخواتي الحبيبيات تكفون انظروا لي بنظر الشفقه وعلى اساس اني مريضه وانتوا الاطباء
الله انها ضاقت على ولامل بالله موجود
انا ياحبايبي عندي سلفه مدري كيف جننتني خلتني امشي بس افكر فيها
انا صح ماعندي اخوات لكن عندي في نفس المنطقه اقارب لي من جهة اهلي اخوال يعني
سلفتي هذي الله يغفر لها بس متقلبه جدا جدا وشكاكه مره مره تشكاذا صار مشكله مع احد جات شكت فيني اني انا اللي اسبها لان بصراحه مالها صاحبه الا انا حتى اهل زوجي انا ويها طبعا اخوان مقاطعينا من زمان لاخلاف شرحه يطول المهم هي مهبوله تقول راح اعرف مين اللي خلاهم يكرهونا وليه يعاملونا كذا
الادميه شكت فيني انا وسلفتي الثانيه لكن سلفتي الثانيه هي السبب في المشكلهبيننا وبين اهل زوجي ويعاملونها علىاساس انها الكل في الكل طبعا لانها تجيب لهم الكلام وتحب تسب المهم جات سلفتي هذي اللي انا اشكي منها
تقول انا قلت لفلانه وحده من الجماعه والله لخلي سلافاتي يحلفون على المصحف انهم ماتكلموا فيه :44:
انا انهبلت لاني انصدمت فيها عمري ماسبيتها عند احد وواثقه من نفسي لكن اللي قهرني
اني انا كتاب مفتوح لها والله اني كنت اعتبرها مثل اختى واحبها مره مره قلت لها ليه شاكه فيه قالت لالالالالالالالا انا اسويها حركه على شان سلفتي الثانيه ماتشك ونقصدها بالكلام وتسوي مشكله المهم انا مصدقت قلت اسمعي
من غير ما تطلبين احلف لك بريحك واحلف وحلفت على المصحف قدامها اني ماتكلمت فيها مع احد
المهم انحرجت
وانا ماتبت منها مدري اشفيها متغيره على نادر ماتتصل وتكلمني براس خشمها واحينا تشيلني من الارض
واحينا تقول وش رايكم نطلع اليوم واذا وافقت سكت شوي وقالت لحظه خلينا نشوف
بعدين تتصل وتقول بنتي تعبانه او يطلعون ولا يقولونلنا وانا انتظر ردها لانها قالت برد عليك
دايم احسها غريبه الاطوار
لكن انا اللي اشوف هذي الحركات ولاتبت منها مدري ليه ةالله انها اذا ماتصلت اروح اتصل لاننا متعودين يوميا نتصل على بعض وانا الاغلب واذا ماتصلت قالت وينك وتعاتبني تخيلوا
لا وبعدين اخر شي سوته انها تجيب راس الموضوع وبعدين تسكت يعني مثلا مادريتي عن فلان او فلانه اقول لا تقول ايوه انا اسمعهم يقولون لزوجي كلام مو راضي يقولي على انه يقولها كل شي
يعني تبغى تخليني اتصلعليها كل شوي واقول هاه سمعتي شي يناس سلفتي واعرفها
وعدين صار غامضه اليوم كلمتها وتتكلم سواليف عاديه وبصوت متغير اقول اشفيك تقولل ولا شي واحلفها تقول ومتهاوشه مع زوجي بكره بعلمك واحنا متعودين كل وحده تشكي لثانيه وطبعا انا اكثر هي نادر ماتقولي انه صار مشكال بينهم المهم
قلت طيب قولي لي قالت بكره قلت ليه عندك احد قالت لا
يعني احسها كذابه مو متهاوشه مع زوجها بس تبي تصرفني وهذا اليي حسيته لانها دايم تعلمني
اااااااااااااااااااااااااااه ياقلبي تعبت منها ومن نفسي اللي ماتابت كل الناس يقولون اتركيها وكل من شافها قال سبحان مارتحنا لها

لانهم يعزومني الجماعه وهم لا نا انحرج ويقولون لا تزعلين اننا ماعزمنا سلفتك مارتحنا لها
والحين ابي اعرف عرفتوا شخصية هذي الادميه وكيف اتصرف معها
وخصوصا انها صار ت غامضها هل هي متعمده او انها ماصرت تثق وصار ت شكاكه
وكيف لقدر ابعد عنها والله اني لااراديا صرت اكلمها تقولين مسحوره
ودي اكرها وانا الحين لااكرها ولا احبها بس ودي ابعد على شان ارتاح والله اللي لاحظته انها اذا سافرت احس اني مرتاحه
ليه مدري واذا ماتصلت اقول ليه ماتتصل ليه انا دايم اللي اتصل واحاول اطنش لكن ارجع اتصل
واشياء كثييييره لكن الله يوفقها ويرزقها اللي تحل مشكلتي لكن بدون رد جارح تكفون ماني ناقصه والله قلبي يوجعني