عزيزتي هواجيس...

عندي لك فكرة ممكن تكون كلاسيك ونادرة الآن..

سوي حفلة الخطوبة على الستايل الأوروبي يعني يكون فستانك ناعم مره وشعرك مسويه فيه بيرم وماكياج خفيف... الفن يكون كله بالديكوريشن.. يعني مثلا سوي فكرة الفلور قيرل يعني جيبي بنوته حلوه ولبسيها فستان أبيض وطوق من الورد زي هاذي الصورة وتكون ترش الورد...



وتكون زفتك كلاسيك مو لازم يكون شيء حرام يعني بالطبل... إسلامي..
وتكون مسكتك أوروبية الشكل.. زي هاذي..

وكمان تكون الأجواء كلها كلاسيك من خلال إختيار الطاولات والورد اللي عليها ولو يكون ورد منثور أحلى..

هذا اللي عندي الآن لو لقيت شيء ثاني أقولك عليه وسلامتكم..

السلام عليكم

اول شي مبروك وعقبالي حبيبتي هههههه

شوفي بالنسبه للتسريحه انتي الا رحتي للمشغل وقلتي لهم خطوبه هما بيعرفو وش يعملو لك التسريحه بس اذا كانو مايعرفون شي مفهيين تقدري تقولي لهم يعملو شعرك كيرلي وطبعا لازم يكون على الشعر اكسسوار جميل مثل لون الفستان

الفستان
لازم يكون جبونه ويكون أحلى وأروع بس لاتاخذي أبيض خليه للزواج وانتي لاتختاري اللألوان الفاقعه اختاري هادي وحلو وجذاب
المسكه
طبعا انتي تروحي لمحل يصلح هدايا او ورود ويعمل لكي مسكه انتي تختاريها اذا كان عندو كتاب واكيد عندهم مصممين

اما الطاوله لازم تكون على جنب يعني على يمينكم او يساركم يعني انتم بتمشون لها للتورته :) المهم الطاوله تكون مابين خصركم مهي بطويله ولاصغيره
ويكون عليها مفرش فخم وتكون التوته فوقها وطبعا جنب الكيكه يكون صحن صغير في سكين وحده والسكين هذي لازم تكون ملبسه ورد عند المسكه
والجنب الثاني يكون صحن فيه كاسات طويله وشكلها حلو ويكون فيه عصير
بسسسسسسسس هذا شرحي من عندي ترى هههههههه
انشالله يعجبك حبيبتي


يعطيني ويعطيكي العافيه

السلام عليكم

في الحفلة وزعوا أشرطة اسلامية نافعه مع كتبيبات ...

هذه أفضل أنواع الهدايا على الاطلاق

و اشتري حلوى و قسميها في أكياس بلاستيك مع بعض العبارات الطيبة

و مبارك مقدما

شوفي حبيبتي جيبي علبه فخمه وتكون على شكل
قلب وتحطين عليها بتلات ورد الجوري فيه كثير منها عند ستي بلازا
بعدين حطي فيها تحفة على شكل عروسين فيه شكل
انه العروسين يكونو اطفال او كبار عاد اختاري اللي تبغيه هذي
كان حاطها زوجي بغرفتي اول زواجنا وكان شكلها روعه...
بعدين جيبي شموع تتطفو على المويه شكلها قلوب..
وجيبي كاسات العصير حطي على رجولها ربطات من التول
وسكينة التورته اربطي عليها نفس ربطة كاسات ا لعصير..
انا عندي اقتراح ايش رايك تحطين طاوله على يمينك بس تكون
بعيده شوي وتحطين عليها التورته والصحون والسكين عشان ماتصير
الطاوله اللي عندك زحمه مايكون عليها
الا كاسات العصير,,والعلبه..والشمعه..
ومناديل تكونين طاويتها باشكال حلوه وحاطتها
بسله مليانه ورود مجففه ومعطره..
طبعا مع مفرش الطاوله بيطلع شكل الطاوله تحفه,,وخلي بالك انه الالوان تكون متناسقه انتي حطي لون واحد بس ويكون فاتح اونفس لون الفستان...
وبس يالله عاد قوليلي ايش افكارك عشان استفيد منها
لاني بين فتره وفتره اسوي ليله رومنسيه لزوجي
من غير ازعاج الاطفال طبعا..

صراحه البنات افكارهم حلوة لكن وشلون يكون الفستان اذا ماعندكم مانع؟؟؟؟؟

يعني الافضل يكون جبون اوهادي وماسك؟؟؟؟