تكفون ابي الحل لاني مره تعبت موضوع مأثر على نفسيتي وكل شي

السلام عليكم ورحمة الله وبركاته

بنات اليوم ابقولكم مشكلتي وكلي امل القى مين يساعدني بحلها
لان المشكله اثرت على نفسيتي على مستواي على دراستي حتى على شخصيتي

انا بنت بطبعي احب الضحك والفرفشه احب اتكلم واسولف ماني هاديه ابد
وشخصيتي قوية بس وربي طيبه حيل
المشكلة الي صارت لي اني لما انتقلت لمدرسه ثانويه كنت اول ثانوي جدا سعيده
كنت فرحانه زود كنت احب المدرسه مره يعني ساعات لما اغيب والله مرره اتحسف اقول
ياليتني مداومه متخيل وش كثر كنت مساتنسه مع ان في بنت ف شلتنا سوسه انا من اول
ما دخلت شلتنا " هي طبعا طالبه جديده على شلتنا يعني كلنا نعرف بعض الا هي توها جايه المدرسه "
اول ما صارت صديقتنا وانا مو مرتاحه لها ابدا ابدا ومتأكده ان فيها بلى لان دائما الي ما ارتاح لهم
يطلعون فعلا فهم عيب المهم انا كنت متوقعه انو انا غلطانه بحكم ان البنت تسولف والابلات يحبونها
ومسويه طيبه مع البنات وتنكت وشخصيتها قويه فكنت افكر اني ظالمتها مع الايام بدت تظهر فيها
الانانيه والغرور مع البنت يعني بدون شماته شكلها قبيح والله يا بنات وربي يشهد ما قصدي اتشمت بس البنت شكلا ابد ابد مافيها شي مع كذا مغروره وابوي سوا لي وامي جابت لي واخوي اعطاني واحنا عندنا واحنا واحنا
ماقد شفت عليها صراحه شي يوحي بالرزه المشكله على كثر ما كانت تسوي مشاكل لبنات شلتنا بس يرجعون يكلمونها انا مو هنا مشكلتي لاني ما كنت احتك فيها بحكم انو صديقتي المقربه معايا فأقعد معاها هي وبنتين كمان قراب لي و24 ساعه نسولف مع بعض فكانت تضايقني احيانا بس اطنشها واحاول ما احتك فيها

جت العطله الي هي 4 شهور كل شهر والله كل يوم كنت انتظر فيه ثاني ثانوي توقعته مثل اول واحلى بعد
انتظرت اشوف صديقاتي لاني مره كنت مشتاقه لهم وفعلا كان اول اسبوع من احلى الاسابيع بحياتي
ضحك وسوالف وهبال وصديقاتي الي وحشوني ما كان بالعلمي غيري انا وصديقتي الي قريبه مني والبنت الي ما ارتاح لها وصديقه اخرى لي كمان المهم ان صديقتي والبنت الي اكرها جلسو جنب بعض وبدو يتقربون لبعض مع الايام صارت صديقتي تسفطني وما تكلمني و24 ساعه ضحك مع البنت الثانيه هالشي ما ضايقني الي ضايقني انها سحبت علي وانها ماصارت تكلمني حتى لما اجي اقولها سالفه الاحظ انها مطنشتني ودايم تروح للبنت الي ما ارتاح لها انا استغربت هالتصرف منها وتركتها صرت ما اكلمها وهذيك البنت كانت مستانسه تطالع فيني وتسألنيي عن صديقتي مع ان صديقتي قدامها تقوم تضحك وتقول اي خلاص لقيتها تعالي يابعدي وينك ادور عليك

انا استغربت هالتصرف جد بانت البنت على حقيقتها لكني انصدمت من صديقتي والله يا بنات مره علي شهر
دايم اصيح استأذن من الحصه بحجت ابروح الحمام واروح اصيح من كثر القهر شخصيتي انقلبت قلبه مو طبيعيه صاير 24 ساعه ع النت غير اول صايره في المدرسه هاجده وخامله ما صايره اسولف ولا اتلكم ولا اعلق في الحصه
والمشكله تصرفاتي كلها تنفهم غلط اما هذيك البنت " الي عرفت انها بمدرستها القديمه كل الي صادقوها يذمون فيهل يقولون انانيه وخرابه ومغروره وتصادق سنه بعدين تترك وفيها حب التملك الي لما تصادق وحده ماتحب احد غيرها يصادقها " غير انو وحده من صديقاتها بالطفوله تخيلو صديقتها من ابتدائي جت لمدرستنا ولنفس صفنا وربي بس سلمت عليها ولما كانت البنت تجلس لحالها ما قد نادتها تجلس معانا حتى البنت ذي ذمت فيها وقالت انها انانيه لابعد الحدود

الكل اقترح علي حل اني اطنشها وارجع لشخصيتي بس كيف اطنشها وهي معايا بنفس الصف احنا مافي في مدرستنا غير صفين علمي الثانيه فيه 21 طالبه ومايتقبل زياده طالبات واحنا 17 طالبه فقط مستحيل يخلوني انقل
غير اني ما اعرف احد بذاك الصف وكلهم بثرات لا ومو بس معايا بنفس الصف معايا بنفس الشله والله يا بنات تعبت تغير اسلوبي حتى مع البنات ما صرت اعرف اسولف ماصرت اعرف اتكلم صرت هاجده حتى شخصيتي القويه صارت شخصيتي ضعيفه صرت حتى لما ما افهم سؤال اسكت ما اسأل الابله زي زمان

والله يابنات تعبت تعبت ومادري وش الحل ليه صديقتي سوت معي كذا طيب انا ابي انساها ابي اعدي هالمرحله
ليه هذيك البنت على كثر ماهي انانيه وقلبها اسود كل فصلنا يحبها كلهم يشوفونها ملاك والله ما يعرف حقيقتها غير البنت الي كانت صديقتها وغير انا ووحده من بنات شلتنا الي هي معاي بنفس الصف والي انا الحين اقعد معها

اتمنى تكونون فهمتو مشكلتي
بنات غيابي كثثر صرت اهمل الدراسه مع اني كنت شاطره تخيلو هالاربعاء غبت مع ان كان عندنا تحسين رياضيات وكان ضروري اروح بس غبت
صايره خملانه مره صايره اقول بسوي وبسوي واكتئب فجأه
صايره اغيب والله دوم بس يجي الجمعه اتذكر السبت ويضيق صدري

:44:

انا ناويه الترم الثاني انقل ماودي الثانوي يروح علي وانا بهالنفسيه
بس ابي الحل عشان اقدر اعدي هالشهر ونص على خير وعشان ما يأثر هالموضوع على شخصيتي
واصير خجوله وهاديه على طول وشخصيتي ضعيفه
ابغى ارجع زي اوول

ساعدووني بلييييز

مع السلامه