تكفون ابي الحل وهي اسباب تعاستي

بابدا من الاول وبحاول اختصر عشان ماطول عليكم عزيزاتي
اولا ابوي تزوج امي وعمره60سنه وهي لسه مابلغت ولا حتى تعرف الدوره الشهريه تقريبا 14سنه وطبعا ماكانت تعرف وش يعني زواج وكان ابوي متزوج2وحده جابت اخواني الكبار اللي الحين في سن امي المضلومه وزوجته الثانيه ماخلفت وكان ابوي وزوجاته واولادهم يعتبرونها مثل الخدامه تنضف وتغسل وتكنس وتحمل وتولد بس طبعا امي ماكانت تعرف تفتح فمها اوتبدي رايها بالعكس تقول احس اني ارتكبت جريمه لو قلت رايي لان ماحد اعطاها مجال لاعند اهلها ولا عند ابوي تتكلم طبعا امي خلفتنا ورا بعض4بنات و3اولاد وبعد تقريبا 15 او16 سنه من زواجها فقد ابوي البصر وصارو اخواني الكبار يتحكمون فينا ويحملون امي مسؤليه كل غلطه يرتكبونها اخواني الاولاد و و و ومن انواع القمع لنا ولامي وابوي ماكان لايقدم ولاياخر لانه صار كبيربالعمر ولايقدر يتحمل اي مسؤليه جابن وقطنا بحلق امي المسكينه طبعا ربتنا امي وعااااااااااااانت كثير معانا وابوي موجود هيئه فقط ولا تعلمنا منه اي شي ولا حسينا بوجود الاب اودوره بحياتنا فربتني امي على السلبيه بمعنى اني ماابدئ رائيي سواء سلبي او ايجابي وكمان اني ماازعل احد حتى لو انه بياثر علي وحسستني اني لو قلت كلمة لا انها مصيبه واني ازعل نفسي واضغط على نفسي ولا ازعل احد صرت اقول اللي الناس يحبون يسمعونه مو اللي انا ابي اقوله صرت اصلح اللي الناس يبونه مو اللي ابيه احس اني سلبيه حتى ناعندي ثقه بنفسي ابد متردده جدا احس اني لو ابي اقول رايي افكر مليون مره هل بيزعل اللي قدامي هل بينرفزه كلامي صارت يديني تعرق كثير قبل اتكلم
اسفه طولت بس والله ماني مصدقه اني حصلت احد يسمعني بدون مااخاف او استحي
كنت دائما احسد بنات اخواني من ابوي على ثقتهم بانفسهم ويتكلمون ولا كان احد موجود طبعا احنا في سن بعض
فارجووووووووووووووووووووووووكم يابنات حواء كيف اطلع نفسي من هالشعور كيف اكون واثقه بنفسي كيف اتكلم واقول رايي بدون مافكر بالناس ابي اساسيات امشي عليها ابي حوافز تساعدني وتطلعني من الدوامه اللي انا فيها خصوصا ان عندي طفلين ومابيهم يعانون مثلي ابي اربيهم صح بس ماعندي اساسيات وبمعنى اصح ماعندي مثل اعلى اوقدوه استفيد منه لا امي ولا ابوي رحمه الله رحمه واسعه واسكنه الجنه