تكفون ابي المساعده ندمانه حيييييييل

الله يكون في عونك اختي بس انتبهي على نفسك

عمري حنان
عمرك قد تأملتي هالآيه({ قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ}


ياقلبي ربي يحب الانسان التوابـ
وآفرحي بهاالبشارة
وبأذن الله ذنوبك بتغفر مجرد توبتك


عيوني من ناحية ردك للخطابـ لآ هذا خطأ

بالعكس وافقي عشان تبدأي حياة جديدة
الماضي ودعية بكبرة
وكأنك ماسويتي شئ
اعتبري نفسك من اليوم انولدتي من جديد
مو لوحدك تخطين كلنا نخطي والله يغفر لنا اجمعين

وتذكري حاجهـ:
الخطأ الآكبر:
مو وقوعك بالخطأ الخطآ استمرارك فيهـ


وانصحك بعد كتاب ربي انك تشترري كتاب لاتحزن لعائض القرني
صدقيني بتبدين حياة جديدة امنه باذن الله
(اذا حابة تراسليني على الخاص مستعده اوقف معك)

ياقلبي استغفري وتوبي وربي غفور رحيم وانتي غلط وتبتي الله يثبتك

ولا عاد ترجعين له زواج مو متزوجك انتي عارفه السبب وبيضيع عمرك معه وبالحرام كيف ربي بيوفقك :(

من ترك شي لله عوضه احسن منه

هلا حنان..

شوفي ياقلبي اول الغيث قطره .. واول الغيث انك ندمانه وهذي نقطه مهمه انك عرفتي خطأك وعرفتي في نفس الوقت حجم خطأك..

وانتي قلتيها انتت تعودتي ان في شخص يهتم فيك ويكلمك وتشعرين بوجوده لكن هو ابدا مو ( حب)..


هاللحين ياقلبي انتي اخذتيها عاده وبأمكانك تتخلصي منها اولا صلي وادعي من قلب ان ربي يصرفك عنه وبصرفه عنك ويكفيك شره..

ثانيا الغي جوالك ..ثالثا انسي كل شئ واحذفي كل شئ يربطك فيه..


يا حبيبة قلبي انتبهي على نفسك البنت حياتها متعلقه في شيئين ( سمعتها- وشرفها) الشرف بأذن الله شريفه لكن اهم اهم اهم شئ سمعتك ( لأنها مثل الثوب الأبيض اذا جاء عليها نقطة حبر مافي احد يلبسه ويهمله ويرميه ) كذلك السمعه لو جاء عنك كلام ولو شئ بسيط الناس ماترحمك والكلام يمشي من الواحد للثاني للعالم وياقلب لاتحزن... فهمتي؟!

حبيبتي ركعتين توبه واقلاع عن الذنب ( كمن لاذنب له) يعني كل اللي سويتيه يروح وماله اي اثر في حياتك لأنها صفحه وانتهت بكل تفاصيلها ومشاكلها ...

والآن اذا تقدم لك احد وبعد الأستخاره والأستشاره وافقي صدقيني كل اللي تحتاجيه من عاطفه وحب وحنان كله موجود في الزواج ... وراح تتغير حياتك وبتقولين ياليت من زمان تزوجت وتشوفين صدق كلامي..

الله يحفظك ويرعاك.

حبيبتي والله بانصحك من واقع اكثر من تجربه شفتها قدامي وعايشتها بكل وبادق تفاصيلها

العلاقات هذه مصيرها واحد سواء كانت من نت او جوال او سوق او حتى عن طريق احد

تعيش البنت معناه تنسى نفسها وحياتها وتركز على ذا الشخص تبدا بانها تستسهل المكالمه بعدها يوزها الشيطان على الطلعه وتبا خطوه تجر الاخرى

لين خلاص يصير كل شي في نظرها عادي ولا هو عيب

الحين تشوفين ان المكالمه غلط شوي بعد كم سنه لاسمح الله تشوفين الطلعه عادي وهلم جر

عشان كذا ياحبيبتي اقطعي عرق وسيحي دمه الغي جوالك والغي ايميلك وممكن تجلسي فتره بدون نت افضل

فكري بها من كل الجهات انتي وش مستفيده ؟؟؟؟؟؟؟؟؟؟؟

والله كنا بالجامعه نعرف البنت الي تكلم وتحب من نفسيتها تلقينها دايم مهمومه ومتضايقه وكارهه جلست الناس

مالها اي نشااط ولا سالفه الا ذا الشخص الي موداري عنها

وانتي قلتيها عارفه خرابيطه اجل ليش مستمره

على بالك بتموتين لو تركتيه

والله كلها فتره تتعبين يوم يومين ولا تعانين العمر كله

انتي شوفي قصص البنات الي نسمعها وخذي العظه والعبره منهم

الله يهدي الجميع وخلي عندك صديقه واعيه وفاهمه تقضين وقتك معاها كل ماضعفتي تقويك

ولاتجلسين لحالك اطلعي وقابلي اهلك

والله اني عجزت انصح صديقتي من كثر مااشوغها جاها الجنان وصار عندها حاله نفسيه وقولون وانا طايحه فيها نصايح

اخر شي تركتني واستمرت معه