lawsi
•
العطاره حلوه وكتبت عنها في قسم زينة المرأه
OAKWOOD
•
مشكورين يا بنات على الموضوع الحلو بس عندي كم سؤال؟؟؟؟؟
1- الأخت نور الكويت (الله ينور لك دنيا و آخرة) شنو الألة اللي تبخر اللي تقولين عنها ياليت لو
عندك صورة لها تحطينها لأني ما عرفتها أنا أعرف المبخر اللي على الكهرباء أو المبخر العادي
بس هاي مافهمتها؟؟
2- الأخت lawsi ياليت تحطين الرابط اللي كتبت فيه عن العطارة في قسم زينة المرأة عشان نستفيد
و بعد تذكرين أنواع البخور و العود اللي استخدمتيهم و من وين تراني ساكنه بالرياض؟؟؟
الله يعطيكم العافية جميعا و عساكم على القوة.
1- الأخت نور الكويت (الله ينور لك دنيا و آخرة) شنو الألة اللي تبخر اللي تقولين عنها ياليت لو
عندك صورة لها تحطينها لأني ما عرفتها أنا أعرف المبخر اللي على الكهرباء أو المبخر العادي
بس هاي مافهمتها؟؟
2- الأخت lawsi ياليت تحطين الرابط اللي كتبت فيه عن العطارة في قسم زينة المرأة عشان نستفيد
و بعد تذكرين أنواع البخور و العود اللي استخدمتيهم و من وين تراني ساكنه بالرياض؟؟؟
الله يعطيكم العافية جميعا و عساكم على القوة.
بنوتهMN
•
اختي الغالية :26: zomuruda:26::26: في بخور عند امل الكويت اسمه بخور المعاريس ريحته تهبل و تلزق بالمكان ماتطلع جربيها وراح تدعيلي :27: :27:
رفرف
•
اختي الغالية في بخور اسمه المسني هههههههه مالي شغل اسمه جذي وتلقين منه مجموعة كاملة بخور ورشوش ومعمول ومادري شنو بعد وريحته مضمووووووونة كل من شمه عندي سألني عنه ومو غالي ...... تلقينه بكل مكان خاصة في سوق الكويت في العمارة البيضا هناك معقل البخور وكل المحلات عندهم منه وعندهم انواع ثانية بس هذا انا ما استغني عنه ....
حبيبتي زمرده أدري بالضبط شو تبغين .. أنا عندي نوعية البخور الي تدورين عليه... يعني ماشاء الله تبارك الله ريحته وايد حلوه ويتم بالملابس والمكان باليوم واليومين ... أنا مره بخرت به نفنوف وما لبسته وجطيته بالدولاب .. ما جص عليكم انه بعد شهر ييت ألبسه إلا وريحة البخور بعدها فيه...:33:
أنا يبته من عمان من الجنوب في منطقه ينجال لها صلاله ...ما دري اذا رحتولها بالصيف، أغلب أهل الخليج يسيرون لها... الجو هناك هم شي عجيب .. مطر و خضار مو كنه بالخلج أبد ...
المهم فيه في صلاله حريم يسوون خلاطات البخور في بيوتهم ويبعونه وعاد كل خلطه لها اسم شكل. اشتريت من عندهم نوع بعد ما شميته عند ناس ,,,, تصدجون جاراتنا لمّا يزورونا يسؤلون من وين شريتوه ويمدحون فيه لا ويجولون انهم يشموون ريحة البخور من باب بيتنا جبل ما يدخلون.. وعاد أنا وأمي نتشجج من الوناسه ..:42:
يوم سألتهم عن الخلطه بصلاله جالوا إنها سريه وما رضوا يخبرونا بس جالوا أنهم يستخدمون عطورعربيه و فرنسيه مركزه من ضمن الأشياء الأخرى.
عاد يوم تسيرين صلاله لا تجصرين بشرى البخور ...
وأحينه بعد ما فجعت مرارتج راح أعلمتج هالخلطه..:23:
انقعي العود في عطر دانة الدنيا أو عطر ساره من أجمل ... ريحته هم حلوه بس عاد خليه فتره لين يخمر ..
وعسى بس أكون أفدت الجميع ...
:26:
أنا يبته من عمان من الجنوب في منطقه ينجال لها صلاله ...ما دري اذا رحتولها بالصيف، أغلب أهل الخليج يسيرون لها... الجو هناك هم شي عجيب .. مطر و خضار مو كنه بالخلج أبد ...
المهم فيه في صلاله حريم يسوون خلاطات البخور في بيوتهم ويبعونه وعاد كل خلطه لها اسم شكل. اشتريت من عندهم نوع بعد ما شميته عند ناس ,,,, تصدجون جاراتنا لمّا يزورونا يسؤلون من وين شريتوه ويمدحون فيه لا ويجولون انهم يشموون ريحة البخور من باب بيتنا جبل ما يدخلون.. وعاد أنا وأمي نتشجج من الوناسه ..:42:
يوم سألتهم عن الخلطه بصلاله جالوا إنها سريه وما رضوا يخبرونا بس جالوا أنهم يستخدمون عطورعربيه و فرنسيه مركزه من ضمن الأشياء الأخرى.
عاد يوم تسيرين صلاله لا تجصرين بشرى البخور ...
وأحينه بعد ما فجعت مرارتج راح أعلمتج هالخلطه..:23:
انقعي العود في عطر دانة الدنيا أو عطر ساره من أجمل ... ريحته هم حلوه بس عاد خليه فتره لين يخمر ..
وعسى بس أكون أفدت الجميع ...
:26:
الصفحة الأخيرة