تكفون ابي تجاربكم مع المكيفات الصحراويه .. ممكن

ياقلبي مافيه مجال للمقارنة بين السبيلت والصحراوي

عني ما احب الصحراوي<<يمكن لاني في شقة

لكن اذا بتحطينه في الصالة والمكان شرح وفيه منافذ يمكن ينفع

اما السبيلت

لاااااااااااااااا يعلى عليهوبعدين ترا مايصرف كهرب كثير زيه زي الفريون>>على حسب كلام زوجي من استخدامنا له

ماقد جربت السبليت
لكن كان عندنا مكيفين صحراووين
واحد كان باااااارد وبراده يجننننن
بينما الثاني كان حار ومو حلو
يعني اختاري احسن نوع
لكن فيه عيييييب قوي
اي ريحة برا يدخلها لك
وترى القطاوة احيانا يدخلون فيه وتقطعهم المروحة حقته وتطلع ريحة خيااااس(هذا اذا كنتي ساكنة بدور ارضي)


عاد اختاري اللي تبين

انا عندي في الصالة سبلت و صحراوي..

والصراحة الصحراوي مهم لجو زي جونا ...ماعاد نستغني عنه السبلت لحاله مايكفي صالتي كبيرة وما يبرد الا اللي قدامه..

وصالتي مفتوحة ع الدور الثاني والصحراوي بسقف الدور الثاني ...

الدور الثاني كان حار يبوخ حراره اذا بطلع فوق وغير كذا كل مكان ببيتي حار مايبرد الا اذا فتحت السبلت قبل بوقت ..

وبعد ريحة الاكل والكشنه وقت الطبخ على طول بغرفتي ..وحالتي حالة اذا جيت اطبخ استنفار عشان الريحة ..

بس بعد مابديت افتح الصحراوي لاني كنت مهملته اول فرررررررررررررق...

الصاله كلها باردة والدور الثاني بعد برد صح انو موذاك البراد بس فرق كتير عن اول ...

و الان مااحتاج للسبلت الصحراوي مكفيني بالصالة.. الا اذا عندي ضيوف والابواب مفتحة ...

غير كذا والله الطبخ ماعاد اشيل همه ابد يطرد الريحة برا علي طوووووول,بشرط كل الابواب اللي ع الحوش والشبابيك مسكرة عدا شباك المطبخ مفتوح ومنه يطلع الهوا برااا

وعندي تاني بالمطبخ ذا مزعج لانه يرجع ريحة الطبخ للبيت بس لان مكانه بمطبخي غلط لانه صاير قدام باب المطبخ اللي علي الصاله مايمديه يطلع الهواء برااا

وبالنسبة للغبار اذا كان ذاك اليوم عج والله اصكه على طول يدخل الغبار بس مجرد ماينتهي افتحه عادي ..

وبعد اناعرف ناس يطلعون وناس تسافر وهو مفتوح ...بس حنا نخاف اذا جينا نطلع ولا ننام نصكه ...اخاف تقضي عليه المويه ويحترق ..

بعض الناس يعتمدون علي العوامه الاتوماتيك بس زوجي يقول اخاف تتعطل يوم وتنحرق وحنا نايمين والاموموجودين..عشان كذا نطفيه ..


معليش بربرتي واجده بس حبيت انقلك تجربتي..

عندي واحد صحراوي له سبع سنوات ماشاء الله تبارك الله
يبررد كل البيت هو ينفع لصاله المفتوحه والكبيره ما ينفع لشقق لصغيره لانه يبي له مكان واسع عشان يبرد زيين وما يصرف ابدااا..بس عيبه يبي له تنظيف كل فتره من الاملاح ..واذا انقطعت المويه ما فيه مكيف ..ويدخل ريحة الطبخ من الجيران

السبليت ممتاز اذا اخذتي من نوعيه كويسه مو اي نوع زين ويبرد اشوف الي حولي يمدحون هااس بس ما ادري ما جربته

الله يجزاكم كل خير حبيباتي ماقصرتو .. كفيتو ووفيتو ..