تكفون... ابي حل سريع

شوفي حبيبتي انا من 3 سنين كان زني 85 ك وانا طولي 153 سم فاتخلي المنظر كيف كان
ومااكتشفت منظري الا لمن شفت صورتي في فرح اخويا والله تقولي حامل في 6 شهور
المهم من وقتها وانا بدات رحلة الرجيمات
ونزل وزني الى 67 كولكنو كان في تذبذب ينزلويطلع ولكن لمن كنت اطلع كانت الى 75 ك وارجع اعمل رجيم
لكن هدي المره انشاء الله يارب انا مصره اني وصل لل 53 ك
واللي ساعدني على النزول هدي المره النادي
انا انصحك اذا تقدري تشتركي في نادي اشتكي لانو الصراحه الرياضه حتشد جسمك وحتشجعك انو تعملي رجيم
انا دحين ليا دحين 5 شهور في النادي وماشا الله تبارك الله
نزلت من 77ك الى 64 ك
وباتبع رجيم السعرات من اخصائية التغذيه
وانا انصحك لاتتبعي الرجيمات اللي 5 ك في اسبوع او اي رجيم من هدوله لانو هدي الرجيمات غير صحيه واللي ينزل بسرعه يطلع بسرعه وبعدين هدي الرجيمات تعتمد على الحرمان وما حتقدري تستمري عليها
الصحي انك تنزلي من كيلو الى كيلوين في الاسبوع عشان متضريصحتك وبشرتك
وانا انصحك روحي لموضوع من تحتاج الى اخصائية تغذيه وحطيلها طولك ووزنك وراح تحطلك الرجيم اللي يناسبك وابدئي فيه
وانشا الله حتشوفي الفرق بس عليك بالصبر
وانشاء الله يارب ينزل وزنك بصحه وعافيه


معليشطولت عليك في اكلام لكن حبيت اديلك من تجربتي

جزاك الله الف خير ... من جد رفعتي معنوياتي كثير وان شاء الله راح اتبع طريقتك وابشرك بنزول الوزن ان شاء الله ..ولك الف تحيه ..

انشاء الله يارب وزنك ينزل
واستناكي تديني الاخبار الحلوه