تكفون ابي حل للصراصير الصغيرة حقت المطبخ

السلام عليكم ورحمة الله وبركاته .. بناااات الله يسعدكم مثل ما هو واضح في العنوان ابي حل للصراصير الصغيرة او الصراصير الالمانية اللي تكون في المطبخ والله يااااا صرت اتقرررررف من مطبخي بسبب هالصراصير اللي مستحيل انها تموت وياما جربت مبيدات انواع واشكال من ريد وبف باف والبودرة الصينية وجل افيون وجبت مرتين حقين شركة المبيدات وحتى الان لي 11 مرة اجيب مبيدات بمبالغ غالية ومافي اي فاااايدة تقل شوي بالمبيدات وبعدها ب4 او 5 ايام ترجع تكثر مثل ماهي الين صرت اشوفها في الثلاجة واشوفها على الكاسات تمشي واشوفها تمشي على الصحون حقت الاكل وفي الصالة وفي غرفة النوم يعني يابنات خلاص طفح الكيل معاي ولي الآن 8 شهور وانا متقرفة منهم وبطلت اطبخ اي شي في المطبخ وصرت انا وزوجي من يوم نقلنا للامارات الشارقة تحديدا" من 9 شهور واحنا بس ناكل من المطاعم بسبب القرف حق الصراصير وعشان لا نشوفهم واحنا ناكل وتليع شبدنا الين خلاص قاعدين نفكر بجد اننا ننقل من البيت خير شر .. طبعا" انا جربت اغلب المبيدات اللي في الشارقة وفي دبي بس للاسف مافي اي فايدة .. وفي مبيد اخوي وامي استخدموه في السعودية بمكة اسمه فيبروسايد تركيبته فيبرونيل برضو كانو يعانو من هالصراصير ومن سنتين استخدموه وربي الى الآن يقولون الحمدلله مافي اي اثر لصرصور واحد في البيت وهالمبيد لي شهرين وانا ادوره هنا في الشارقة ودبي وللاسف مني محصلته الين قبل اسبوع رحت صيدلية بيطرية قالولي هالمبيد محظور عندنا من البلدية وفي ناس قالولي خلاص اطلبي هالمبيد من السعودية يشحنوه لكي بس خوفي دام انه محظور حقين الجمارك الاماراتية يوقفونه عشان انه محظور عندهم ... على العموم يا بنات تكفوووووون الله يجزاكم خير اللي عندها حل او خلطة او حتى تعرف مبيد يمكن ينباع هنا في الامارات تدلني عليه الله يجزاكم خير يارب والله يا بنات اني مررررررة طفشانة ونفسيتي زفت بسببهم وصرت اخاف على عيالي منهم والله اني المطبخ نادرا" صرت استخدمه واغلب الصحون والكاسات رميتهم من قرفي فيهم ومطبخي فضيته من كل الصحون والكاسات بسببهم الله ياخذهم ... تكفون ساعدوني وعطوني الحل