طريقتي
اشيل قشر البصل واحط الحبة زي ماهي
واحط ملعقة ثوم مهروس
والدجاج مقطع صغار او لحم
وملعقتين صلصة العلالي ولا اشتري غيرها كانها طماطم طبيعية

وملعقة زيت او حسب الرغبة
والبهارات فلفل وكمون ملعقة من كل شي و شيبه غير مطحون لاتكثرين يعطي مرارة بعدين وعود خولنجان صغير وملح طبيعي
واحيان احط ليمون ناشف بشرط اشيل كل الاجزاء الداخلية منه ما اخلي الا القشرة فقط لان اللي جوة مر ويخرب طعم الاكل
ولا احط طماطم ابدا صلصة العلالي تغني عنها
وموية على حسب كمية القدر والمكونات يعني تغرقينها موية تماما


واضغطهم كلهم سوى من غير تكشين وكلام فاضي ههههه
يعطيني نفس طعم اللي يكشنون ويعذبون نفسهم

ثم اذا استوت اللحمة اشيل البصل واصفي الموية من البهارات
واحط الكويكر بالخلاط تقريبا نص كاسة اذا قدرك متوسط على كاسة موية من البزبوز باردة وتخلطينها ضغطتين مو تصير سيرلاك
وتحطينها ع الشوربة وتخلينها تغلي حوالي ربع ساعة او اكثر اللين تتجانس


احيان اسلق مكرونة خواتم قليل مو تصير الشوربة كلها مكرونةاحطها مع الشوربة بمرحلة الكويكر يغلون سوى تطلع لذيذة ويحبونها الاطفال


طبعا سبب اني ما اكشن البصل واحطه كامل عشان ولدي الله يصلحه لو شاف بصلة صغيرة بالاكل ما ياكل وبكذا اطلع البصله ويبقى الاكل صافي
واعتمدت ذا الشي في كل الاكلات ايدامات كبسات شوربات
وتطلع جميلة ماتفرق عن التكشين ابد



وكل عام وانتم بخير

بصل وطماطم ومعكب ماجي ونقطه بهار وملح نقطه فيه ماجي وصلصه على حسب وممكن تحطين فلفل بارد وجزر مبشور وكوسه مبشروه مع 4 او 3 كاس ماء والشوفان 5 ملاعق او اقل اذا تبغين خفيفه وخليها تطبخ وإذا احتجتي شوف ان زيدي او نقصي وأخلطيها بماء عادي لان الحار يعقدها عليك
وممكن تضيفين مكعبات صدور دجاج وليمون اسود وممكن شوي فلفل أسود وفلفل حار عدل او مطحون

او ممكن شوربه ماجي وشو فان كم ملعقه وماء ونقطه بهار حلوه بصراحه طعمها جربتها
جربي بوقت مو صايمه ممكن ماي عجبك الطعم

اول شي. جيبي بصله وافرميها ناعم او قطعتها ناعمه جيلي اصغر قدر عندك حطي زيت وكشمير البصل جيبي حبتين طماط واخلطيهم في الخلاط مع شوي مويه وحطيها على البصل وخليها تتكشن مع بعض حطي حبة ماجي وصلصه

وحطي البهارات وشوي فلفل اسود وحطي اللحم هبر او دجاج وحركي وحطي شوي مويه وخليه يتسبك حطي الكويكر ست ملاعق وحركي بعدين حطي المويه الين نص القدر أوأكثر شوي وهدي النار تحتها حطي حبه ليمون اسود وحطي حبتين هيل وعود دارسين او بهارات الشوربة العدله الي يجي معها شاش وخليها على النار ساعه وكل عشر دقايق حركيها