استخدمي صابون ضد البكتيريا مثل ديتول لايف بوي بيوتوكس
وبعدها ادهني بجلسرين وليمون وبس

انا استخدم من نكتار مزيل ومبيض فيه روائح متنوعة خذي اللي يناسبك ونتيجته بالتفتيح حلوه بس يبيلها وقت

أنصحج بمزيل العرق من ماركة بييزلاين هو فعلا وااااااااايد حلو بس لازم تستمرين عليه لأنه كل شي مكون من مستحضرات طبيعيه يباله فترة حتى تظهر النتيجه وأنا صارلي 4 أشهر أستخدمه والحمد لله ما شاء الله النتايج من شهر بدت تطلع وكل خواتي مستغربين ههههه هذا إختي المستحضر منتجاته طبيعيه مكون من البقدونس وعسل النحل وفيتامينات ويوم تحطينه بتلاحظيين تعرق بشكل فظيع بس هذا أحسن لأنه يخلص الجسم من الأوساخ اللي تتراكم في الإبط وتسبب السواد ترى باقي مستحضرات إزالة العرق تمنع إفراز العرق مما يسبب السواد بس هذا فعلا غير لو تسأليني أنا من وين يبته هذا الله يسلمج شي ربيعتي في لبنان كلمتني عنه ويوم سرت هناك إجازه جان أييب وسألتهم شي منه في بوظبي قالولي بمركز نيوترشن في المارينا مول ولو تبين تستفسرين عن المنتج بعد في أي بلد ثاني شي موقع على الإنترنت بإسمهم بس الصراحه ما عرفه بنات الإمارات سعره 34 درهم أتمنى أكون أفدج

مرحبا اختي

انتبهي تستخدمين بوهلي ........ انا كنت استخدمه وطلع لي غدد في منطقة الابط والله اسبوع وانا على اعصابي خايفه من اللي طلع لي وبالاخير الحمدلله قالوالي من الديودرنت اللي تستخدمينه

اخيرا وانا اشوف المواضيع شفت انه الكل يمدح بالليمون قلت اجرب مو خسرانه شيء


والنتيجة كلمة رووووووووووووووووووووووووووووووووووعة قليلة عليه

بس سويت هالطريقة بحركة ثانية

سويها مثلي وماراح تندمي

جيبي اي علبة ديودرنت عندك ( لازم علبة اللي فيها رول من فوق كورة ) عرفتي وش اقصد؟؟؟

انا جبت واحد عندي كان شوي بيخلص رحت عصرت ليمون وحطيت معاه 3 ملاعق كبيرة جيلوسرين وحركتهم زييييييييين

وجبت علبة الديودرنت وفكيت الكورة من فوق بشويش وصبيت الليمون مع الجليوسرين فيها ورجعت الكورة مكانها

سويت منها علبتين وحدة حطيتها الله يكرمك بالحمام ( بعد الشور على طول ) والثانية بغرفتي ( بدرج الحوسة ) صرت بعد كل شور احط منه

واذا بدلت ملابس احط منه يعني كل ما شفته قدامي حطيت منه

فؤاده: يقتل البكتيريا - يعقم - منظف - مزيل للرائحة واهم شيءءءءءءءءءءءءء انه يبيض

سوي هالحركة اسبوعين وان شاء الله بتدعين لي

معقول الليمون يزيل الريحه !!

المشكله سبب سواد الابط هو اللي يشيل بموس احسن شي الحلاوه