تكفون احتاج حبوب انقاض الوزن مضمونه

حبيبتي حبوب انقاص الوزن اثبتت فشلها وخطورتها
هي تعمل بطريقتين نوع يعمل على الدماغ ومراكز الشهيه في المخ ودي لها اثار عصبية خطييرة مع الوقت
ونوع يعمل على الجهاز الهضمي ويخلي جزء من الدهون اللي في الطعام يطلع بدون امتصاص ودي تاثيرها غير واضح نوعا ما لان كمان السكريات وال 70% من الدهون الباقيه لها تاثيرها في الوزن
يعني باختصار حبيبتي امسكي لك نظام حلو وامشي فيه
شوفي حمية نوع الجسم واعرفي جسمك وامشي ساعه يوميا وحتخسي وتصيري تماااام ان شاء الله

الله يوفقك ويجزاك خير
والله مشكله ان قلنا عمليات قالوا لها مضار واحتمال يرجع الوزن مثل اول
وان قلنا حبوب قالوا لها مشاكل واضرار
والرجيم صعب الاستمرار عليه
وبعدين كيف اعرف نوع جسمي والرجيم الي يناسبه
ياليت توضيحات اكثر

وايضا نتمنى الاخوات يضعوا تجاربهم عن جبوب التخسيس

انسي موضوع حبوب التخسيس نهاااائي رجاااااء
اذا تبغي عملية عندك بالون المعدة تكلفتها تقريبا 10 الف وتجلس 6 شهور اذا ميزانيتك تسمح لا تترددي توكلي على الله وبعدها سوائل فقط لمدة اسبوع ثم تمر ولبن 3 اسابيع ثم حمية نوع الجسم باقي ال5 شهور
ابحثي في النت عن حمية نوع الجسم
على فكرة كم وزنك وطولك

انا مجربه حبوب التنحيف وكنت مغامره ومضحيه بصحتي ابي النحافه بأي ثمن
ودفعت فلوس للتاجره وللمندوب وللاسف ما استفدت وفي مجموعه بنات غيري بهذا المنتدى اخذنا نفس الحبوب والله ما استفدنا وكتبنا تجاربنا اكثر من مره ونصحنا والحبوب لا تسد الشهيه ولا تنزل الوزن كأننا ناكل هوا
اذا معزمه تبين حبوب للتنحيف اطلبيها من المستشفى او ادخلي الصيدليه ابحثي عنها على الاقل مصرحه ومكتوب عليها الاثار الجانبيه مو مثل التجار الحبوب كلها تهريب

طريق الرشاقه صعب ويحتاج اراده حديد ماتنكسر ورغبه قويه في تغيير نمط الحياه تغير جذري كامل

شوفي هذا الموضوع يمكن يفيدك :

بديل طبيعي لحبوب التنحيف شيتوكال و زينيكال

واشربي زنجبيل او قرفه او شاي اخضر بين الوجبات يساعد على تنشيط الحرق

وخذي بذور الكتان حطيها على السلطه او الزبادي تساعد على نزول الوزن لكن تحتاج الاستمرار مع تخفيف الاكل وممارسه الرياضه

واتبعي نظام التخفيف يعني كلي نص الكميه اللي تاكلينها بالعاده
الرز والمكرونه خليها 4 أو 5 ملاعق فقط
اكثري من الخضار والسلطات الخضراء لان سعراتها خفيفه جدا وماتسمن ماعدا البطاطس والذره قللي منهم
امنعي المقالي والزيت والزبده والمايونيز والحلا والعصاير المعلبه
واشتري كل شي قليل دسم او دايت
واشربي ماء كثير خاصة قبل الوجبات بربع ساعه كوب او كوبين يقفل الشهيه ويلمي المعده

مع رياضه الهروله او رقص زومبا او تمارين الخمسه ميل تلقين فيديوهات باليوتيوب كلها مفيده وترفع دقات القلب عشان كذا تحرق اسرع من المشي البطيء

شكرا للجميع
انا وزني 120 وطولي 168
يعني الزياده 52كيلوا ماهي شي بسيط