رومنسيه حزينه @romnsyh_hzynh
عضوة فعالة
تكفون اختار قصاص ولا شنق.....
السلام عليكم.....
بنات باختصار مشكلتي مع زوجي مستحيله الحل مع اننا نحب بعض لدرجه كلمت
لجنه اصلاح ذات البين وماعندهم حل ... صديقاتي خواتي حتى اخت زوجي دخلتها بالموضوع وبرضووو
ماعنده الا الله يعينك ماندري شووو نسوي
وابي فزعه بنات حوا لان بصراحه نفسيتي تحت الصفر
لي شهرين استخير مرتين باليوم واقرا البقره وياسين يوميا واستغفر حوالي الفين مره برضوو يومياا
وثقتي بربي كبيره بس عشان تعرفون اني سويت كل شي
وحكايتي هي ....
احم احم على فكره تراني اكتب وانا ابكي ومهما تكلمت محد بيحس بقوه الالم اللي بروحي
لان الم الروح صعب علاجه
انا مظلقه من 4 سنوات وعايشه انا وعيالي مبسوطين عند اهلي وكل ماخطبني احد ارفض عشان عيالي
وقبل 6 شهور جاني شاب مادري من وين طلع لنا
جامعي من عائله طيبه متدين وامام مسجد اخوي من ناحيه وقرايبي من ناحيه اقتنعت فيه ويااااااليتي ماقتنعت
قلت دامه ملتزم بيخاف الله في عيالي.... هو متزوج على فكره ومعاه عيال
وافق على كل شروطي وجاب لي مهر اكثر من اللي طلبت وسافرنا بر ا وبعد شهر العسل سافرنا مره ثانيه سفره
خاصه لعيالي
بالبدايه كنت كاشششه منه شوي زواج للمره الثانيه صعب شوي من الناحيه النفسيه
المهم عدت الايام وحنا سمن على عسل هو يحبني مووووت وانا بديت احبه اتعلق فيه اشتاقله لحد ماصار كل
شي بحياتي وكاننا نعرف بعض من سنين
صار مايصبر عني يشتاقلي .... شوي شوي بدت زوجته تاثر على حياتنا ولاتاكلوني بقشوري
عارفه انها ماتنلام بس لدرجه تتبلى علي وتظلمني وتنغص علينا يومنا شوي شوي
صار يعصب علي يضربني على اتفه سبب يسبني باقبح الكلمات مع العلم انوو رجل محترم وخلوووق جداا
وحنووون بس سبحان اللي يغير ولا يتغير وصار يهجرني بالايام واذا جاني اقوم بواجبه ع اكمل وجه
واحاول اضغط على اعصابي عشان مافقد زوجي اللي هو كل حياتي ...بعد اربع شهور تهاوشنا وطلقني
ورجعني في نفس اليوم وهو مصدوم يقول مدري كيف طلعت الكلمه
طولت السالفه ادري بس والله ابي عشان تحسوون بمعاناتي ويمكن عندكم حل سحري ليش لا ماعلى ربي عسير
بعدها بشهر ونص طلقني الثانيه وكانت الطامه الكبرى وماراح اقول شو صار لي لان اللي صار ماينقال
وكل هذا اهلي مايدرون عن شي يعني ماكنت اقولهم احاول احل مشاكلي بسريه تامه اخاف يقولون العيب منك
خفت مدري جلس ثلاث اسابيع محد حس بشي انا في بيتي لزمت الصمت والصلاه والقرائه والاستغفار
لعل وعسى وهو ليله عندي وليله عند زوجته الاولى بس طبعا ليلتي ينام في غرفه وانا في غرفه لاني مطلقه
ومن اول يوم طلاق حطلي خيارين واحدهم امر من الثاني يعني خيرني بين الموت شنق ولا رمي بالرصاص
ايهم تختاروون؟؟؟؟
قالي بالحرف الواحد انا احبك وابي اعيش معاكي بس انا رجل ماقدر على العدل
لازم اجلس عندها اكثر منك وانام عندها اكثر منك
انا صعقت شلووون مو فاهمه وانا زوجتك لي حقوق عليك وانا ماقصرت في شي ولا سببت لك أي مشاكل معاها
بالعكس هي اللي باليتني بشرها وانا صابره لاني احبك ومابي اخسرك
قال اذا تبي نغيش مع بعض اسمحي لي اجيك بالوقت اللي يعجبني
اناااا مازلت فااااتحه افمي.... شلون يعني فهمني انا بقره مافهم بالاشاره قااااااال
يامسيار لو ماجيك الا مره بالشهر تحليني في يومك وليلتك اووو ........... ورقتك
مسيار حراااااام عليك انا زوجتك لييييش كذا وطلاق يعني موتي لاني احبه والحين لي شهر لاشفته
ولا سمعت صوته وقربت اطلع العده وانا بمووووت حزن وقهر واحساس بالظلم
طبعا بلغت اخوي وكلمه على اساس يتقابلون ويحلون المشكله بسسس للحينن لاحس ولا خبر
هاااااااا تكككككككفن وش الدبره ساعدوني شورو علي طلاق موتي ومسيار كرامتي وعزة نفسي ونفسيتي
اللي طول الوقت بحس انووو مفضلها علي والسببب يقول انا مقدر مقدر ماعنده غير هالكلمه ....
امانه لاتطنشوني اوقفو معاي باقي خمس ايام واطلع العده
287
30K
يلزم عليك تسجيل الدخول أولًا لكتابة تعليق.
همسات الطبيعه
•
الله يفرج همك ويرد لك زوجك رد جميلا
مدري تقولين انه يحبك ويموت فيك بعدين تغير وصارت هي حبيبته يمكن ساحرته مدري من كلامك استنتجت كذا والله يفرجها عليك طيب هو من اول كذا ولا تغير توه
الصفحة الأخيرة