تكفون اختكم في حجاتكم من 5ايام ماشفت النوم

قصتي من البدايه الى النهايه ابيكم تعطوني حل الله يحرم وجهكم عن النار
تزوجت من ثلاثه سنوت رجل احلامي والحمدلله مافي اسعد مني في العالم 
تزوجت بدون علم اهله رجل جميل ووسيم موظف يعتمد علا نفسه مرت الايام وحملت وانا الحين حامل في الشهر الخامس 
في يوم قال زوجي باطلع للبر شهر قولت وانا اجل باروح لاهلي المهم اتصل اطمىئن عليه يرد بااتكلفه ويتعذر مني جوالي بعيد عني مافي ابراج المهم اقوله كل مره مايجيك ابراج هاالمره لا جوالك يدق ولا ترد علي المهم قلبي وجعني قولت انا مشتقالك ارسلي صورك تكفى لا تقول عندك صورك ويرسل لي الرجل مبيضه بشرته ناحف مره مخفف لحيته وجعني قلبي اكثر وسكت اتصل يرد باالتكلفه ويمر اسبوع علا ذا الحال في يوم اتصل علي فرحانه من اتصال عند اهلي وقالك ابيكي في موضوع خير قال موخير قال امي شافت عقد الزواج في السياره بس ماحبيت اقولك شي قولت خيره خليها تدري وعلمها اني حامل وسكت علا ذا الحال يومين وادعي ربي واصلي واتهجد ان الله يسهل الحال اتصل علي وقلبي يخفق من الخوف وش فيك قال امي حالفه علي اني اطلق او بتغضب علي ليوم الدين تدرين ان امي مريضه طيب اقنعها فهمها الحمدلله انا جميله وعمري من عمرك وهلي معروفين  قال مافيه هي مصممه اصيح باعلى صوتي لا لاتتخلى عني حربت اخواني وعماني علشان اتزوجك وكانو رافضين الزواج علشان بدون علم اهلك 
ليش كذا ليش مااستاهل هذا الشي جالس يبكي وانا ابكي وسكره المهم  جاني اتصال من وحده قالت تعرفي فلان قولت مين انتي قالت انا زوجته واقراء كل المحدثات بينكم في الوتس وانا متزوجه فلان من شهر وادري انه ماعلمك وكاذب عليكي واساله كم عمرك انتي صحيح زوجته انا معاد ابيه وانا الحين غضبانه في بيت اهلي وانا مصدومه اروح اتصل فيه مايرد واكتب له رساله انت تزوجت 
يتصل فيني قال اي تزوجت علشان افتك من امي اشغلتني 
معقوله ذا الشخص الا بعت كل شي علشانه ماني في الارض ولا في السماء سكت 
قال بكره باروح للمحكمه واطلق قولت ليش حرام عليك مااقدر اعيش بدونك كان اموت واترجاه قال امي جاها ضغط بسبب الموضوع ولزم اريحها قولت طيب رجعني بعد الطلق في اثناء العده قال مااقدراوعدك اتصل علي ثاني يوم وقال ترى طلقت 
كل ذا ماني مستوعبه اصارخ كاني مجنونه والله يااخواني ماتدرون وش سويت علشانه 
ياالله اكتب ودموعي على خدي 
تكفون عطوني حل لو انتم مكاني وش بتسون احس اني بانهبل مغير اخبط كاني مجنونه  انصحو اختكم مسكينه احبه احبه ولا اقد اتخيل حياتي بدونه شقتي ملابسي اغراضه عطوراته 
اختكم تعبانه تكفون وش اسوي انا تعبانه حيل 
انا متاكده انه يحبني وهو يدري انه احبه وش اسوي تعتقدون بيرجعلي او خلاص  او نتهت حياتي علا كذا طيب انا حامل