تكفون ادخلوا حلوا مشكلة ولدي خلاص قربت اتجنن

السلام عليكم

بنات انا غيرت حليب ولدي 3 مرات .. وما ودي اغيره ولا مرة لان اعرف انه يتعب من تغيير الحليب

اول مرة عطوني سيميلاك وكان ثقييييييييل وولدي صار يرجع و ممغوص على طوول والامساك ذبحه مرة ..
قلت للدكتور يغيره ورفض قمت انا غيرته من راسي لان المسكين كان يبكي طول الليل من المغص
اشتريت له بيبيلاك اي سي .. وصار ولدي ممتاز صار يتبرز 3 مرات يوميا والمغص ما راح بس ما صارت تجي له حالات البكا المتواصل يعني يبكي بس ما يجلس ساعة كاملة يبكي
المهم .. رحت مراجعة عند الطبيب وغير له الحليب لانه قال بطنه مليانة غازات وغيره لـ هيب .. وكان في بالي اني ما اغير له بيبيلاك لاني احس انه ارتاح عليه
بس امي خوفتني يوم شافت حليب بيبيلاك قالت وشفيه كذا كأنه زبادي .. هو فعلا ما يصير ساايل مررة ومليان فقاعات واذا خليته فترة يعني نص ساعة مثلا يفصل الحليب عن الموية تصير الموية تحت والحليب فوق
من جربت بيبيلاك اي سي هل كان معها نفس المشكلة ؟ لاني غيرت العلبة ونفس الشي معناته في الحليب البلا مو في العلبة ..
المهم .. يوم شفته كذا سمعت كلام الدكتور واخذت هيب .. وهو مافي ريحة وشكل الحليب يطمن مافي رغوة بس من يوم استخدمته وولدي يبكي مع انه اي سي يعني ضد المغص بس مدري وش فيه هالولد مرررررررررررررررة بطنه تعباااان
المهم الحين ولدي ما قدر يرضع من شدة المغص اي شي يطب ببطنه على طووول يبكي احس اول ما ينزل الحليب يمغصه .. من الصباح الساعة 10 الى الحين ما رضع رضعة كاملة ..
يرضع 30 مل او اقل وانا مرررة خايفة لا ينقص وزنه ..

وش الحل يا عالم حاولت اعطيه شاي الاطفال من ميلوبا بس رجعه كله ..
وعطيته يانسون وشمر و نعناع ورجعه يرفض حتى الموية والجلكوز ما يبغى الا الحليب مدري ليه
ومدري وش اسوي له .. طبعا عطيته موية غريب وعطيته قطرات وصفها الدكتور له بس ماااجابت فايدة الولد ما يقدر يرضع من المغص انا مررررة متحسفة اني غيرت حليبه :(

تتوقعون اقدر ارجع على بيبلاك ؟ او استمر على هيب ؟ اخاف ارجع لبيبيلاك ويزيد المغص لان مو زين اغير له الحليب بهالشكل وهو لسه صغير عمره شهر ونص

تكفون ردوا علي مرررة تعبت والله كل ما بكى ابكي معاه .. احسه يتقطع وهو يبكي ..
وغير كذا هذا الحليب ما يتبرز عليه زين يعني امس بس تبرز مرة وحدة ..:44:

كرهت الدكاااترة وربي