تكفون ادخلوا وادعولي بظهر الغيب الله لايوريكم الي شفته

السلام عليكم ورحمة الله وبركاته
انا عندي مشكله لا يعلمها الا الله وتعبت من التفكير ونفسي ارجع كرامتي واقهر زوجي مثل ماقهرني
انا متزوجه لي سنتين وعندي بنت عمرها سنه والحين حامل مشكلتي مع زوجي من تزوجت بس يسب فيني ويحس خواته احسن مني ويعاملني معامله زفت ومرتين يطردني من البيت ومره طلقني بس رجعت
وعلى شان مشاكل الحمل كنت عند اهلي ومكان بينا اي مشكله وفجاه يتصل علي ويقول انه بيستاجر لي شقه بعيد عن اهله لانه هذا طلبي من زمان وهو يقول بيرتاح من المشاكل لانا ساكنين معاهم في نفس العماره وطبعا وافقت بس قال في مشكله ان ابوي بيزوجني عليكي علشان زوجت ولده تكون عندهم على طول وقلت له خلاص ماراح اطلع وصار يتعذر بدراستي اني بنشغل عنه وقلت خلاص بنتسب في الجامعه قالي اخاف تروحي عند اهلك كثير قلت الوضع بيتغير باقي شهر واولد وشغالتي بتجي والحياه بتتيسر وبخلص الاربعين ونعيد سواء وعيالنا معانا في بيتنا الجديد والحيوان يخطط علي وانا على نياتي ولما مالقى فكه قالي انا خطبت عليك وبتزوج والشرع حلل اربع وانا رفضت وقلت اني صغيره وجبت لك عيال ومافيني عيب علشان تتزوج وبتتزوج وحده اكبر مني وتحطها في بيتي وطلبت الطلاق واني بجي اخذ اغراضي وقالي لا انا ارسلها لك بطريقتي وطبعا زعلت وقلت له لا مثل ماجبت اغراضي انا اخذها ولما جيت البيت الله لايوريكم رامي كل اغراضي في اكياس زباله واخواته يبخرون البيت ومع ان مابيني وبين اهله اي مشاكل وصاروا يسبون فيني ويقذفوني حتى مارحموا حالي وانا حامل بالثامن ويقولون نرتب البيت لزوجته الثانيه:44: ويكذبون ويقولون مانعرفها وماخطبناها بس اكتشفت ان كذب وان امه خاطبتها من زمان شافتها بعرس وعجبتها وخطبتها حسستني اني سياره كل سنه تغير لولدها الموديل وطلع ولدها مو برجال كل كلمه بيني وبينه يقولها لامه وهي تطلعه وتنزله
هاذي المشكله كلها عطوني رايكم نفسي ارجع كرامتي وارفع عليهم قضيه قذف وخلع بس مافي الا شاهدة واحده واخاف على حضانة عيالي والنفقه مين عندها خلفيه عن مشاكل الطلاق والخلع تكفون ساعدوني
لاتنسون تدعولي حسبي الله ونعم الوكيل