سعادتي على سجادتي @saaadty_aal_sgadty

عضوة نشيطة

تكفون ادخلوا واقرو قصتي وارشدوني للطريق الصح وربي فيني ضيقه مايعلم بها الا الله

مساكم الله بالخير بنات فزعتكم وربي اني جايتكم وانا خلاص ماعاد فيني لذا الحياه يبنات قلت يمكن فيكم وحده عندها راي سديد تدلني على حل وربي اني عارفه لو ماعندكم حلول تكفيني دعواتكم ان الله يصبرني قصتي بااختصار يبنات وربي ماقصتها للشكوى ولاكن لااجد الحل انا يبنات مافي البيت الا انا وجدتي ام ابوي وهي بمثابه امي لانها ربتني من يوم انا صغيره وابوي واخوي طبعا الوالده منفصله عن الوالد من زمان طبعا جدتي كبرت في السن وصارت تتعب بشكل غير طبيعي عاد تعرفون كبار السن يبنات عندها سلس بولي اكرمكم الله وصار البيت كله ريحه ورافضه انها تلبس حفاظ وانا تعبت من التنظيف والشغل وغير كذا تطلب اشيا مدري عنها وتعصب وتنافخ ويبنات بعض الاحيان اعصب عليها وارفع صوتي وبعدين اندم تصحيني من عز نومي وتنافخ علي مدري كيف اتصرف معها وربي تعبببببببت والله اني يوميا ادعي ع نفسي بالموت خلاص احس تقفلت كل الطلرق بوجهي وقلت اجيب خدامه واللله لايوفقهم ذا المكاتب تاخير غير طبيعي والتنازل غاااالي والحبوش اهلي رافضينهم اه اه بس وش اقول وش اخلي يبنات ابغى طريقه اوحل للسلس اقول عادي بااتحمل كل شي الا نظافه البيت مره انعدم من السلس مدري وش العمل وربي احس اني افكر لين احس راسي بينفجر حتى ساعات ابكي بااعلى صوتي عشان افرغ شحناتي يبنات هي بمثابه امي لازم ابر فيها بس تعببببت ادعوليييييييي من جد محتاجه دعوه صادقه لاتنسوني من سجودكم حتى افكر بالزواج عشان اهرب من هالمسؤليه بس كيف اتزوج واخلي جدتي لمين ياربي يسر العون منك يالهي بعدين اقول لنفسي الموت اصرف شي لي حتى صرت عصبيه مره ولا احب الناس والاجتماعات كله من ظروفي الي انا عايشتها يارب فرجك:44::44::44:دعواتكم

يلزم عليك تسجيل الدخول أولًا لكتابة تعليق.

تسجيل دخول

أم بندر وثامر • 13 سنة

الله يعينك طيب جيبو شغاله وارتاحي

ريوم 99 • 13 سنة

الله يجعلها في ميزان حسناتك
إحتسبي وأصبري ماعليه حرمة كبيره في السن
بكرا لاسمح الله صار لها شي بتفقدينها والله

جوالي غير • 13 سنة

الله يكوون في عونكم وان شاءالله ربي يكتبلك الاجر

الكبار بالسن كدا يعصبوو وبعديين يروقوو
^_^

*,إبْتِسَامًة,* • 13 سنة

لا حول ولاقوة الا بالله
اسأل الله لها الشفاء
حاولي تقنعينها بالحفاظ وقولي لها انا اتعب من كثر التنظيف
والله يحنن قلبها عليك يارب والله يهديها

انا وحدي في الكون • 13 سنة

لاحول لاقوة الابالله