تكفون ادخلوا وانصحوني

نار بقلبي
امي ماتسال عني والله اني متزوجه لي٢٥سنه بظبط والله ماقد مدت لي حتي صحن معمول ولا اتذكر عطتني شي أنا كل مناسبه وكل فتره اعطيها جوال ذهب فلوس والله ماقد قصرت بشي معها وان تبي اي شي علي طول اجيبه معي بدون ماتطلبه ريال واحد ومستحيل ادخل بيتهم بدون شي لابد اقضي واجيب بس هم العكس مرا إلا إذا ابوي معهم الله يطول بعمره ويخليه لنا دايم يتواصل معي ويعطي ويجيب امي العكس تمام شفتهم في المول صدفه قال ابوي ل امي اخذي شي ل نوره وبناتها شي يقصدني قالت امي بناتك الي ببيتك وانا اولي من نوره وبناتها وحنا اهم منها احس كان احد عطاني كف الحمدلله أنا بخير وابوي بعد بس مدري ليش كذا امي تتصرف زوجي يمر بمرض وتعب وكل شوي يتنوم بمستشفي وصحته مرا متدهوره وربي الكعبه ما تدق تسال احس اني بغربه والله ماتسال عني ماتطمن مرا وعندها باقي ٣بنات ماتزوجوا ياناس خواتي ذول مخصصيني بسناب عشان لاشوف يوميتهم وغير كذا يويل اختي المتزوجه إذا جاتهم تعلمني وش بيسون وش اكلوا وغير ها كثير اختي الصغيره مسوين لها حفل تخرج وتهاوشوا مع اختي الي اصغر مني متزوجه لا تعلمني بحفلتهم بيعزموني مثلي مثل الغريب ولا يبوني اعرف تفصيل عزيمتهم بالله وش رايكم بعقليتهم وتصرفاتهم فكرت احضر ارقمهم كلهم ولا بحضر حفلتهم ولا راح أتواصل معهم فقط اروح اسلم علي ابوي بس وامي عشان ربي فقط وامشي ورجع بيتي مع اني ابعد عنهم ثلاث ساعات متضايقه انصحوني تكفون فوق الحياه واضغط الي اعيشه مع مرض زوجي وعيالي اطفال يسون فيني كذا طبعا اهلي من شفتهم بمول كانوا جاين مستأجرين قريب مني بدون لايعلموني لان ابوي مايبي زوجي يعرف ويتكلف ويعزمه  وخواتي ماصدقوا وشفوها فرصه من شافني جالسه مع ابوي يقلون ل ابوي انت دقيت وجات ليش تعلمها باسرارنا هوشهم ابوي قال اختكم عيب امي قالت هم صادقت بناتكم الي بيننا يا ابو فلان بيننا