تكفون ادخلوا وساعدوني ولكم دعوة صادقة

من راي تنتظري كم يوم او اسبوع الى ان تفضى

مشكورة ياقلبي ((والله يوفقك وييسر لك امورك ويفرج همومك يارب ))بس انا انتظرت كثير واخاف تكون زعلانة مني لسبب انا مااعرفه ومن رايكم اتصل عليها واذا اتصلت كيف افاتحها في الموضوع تكفون ردوا وربي ان مهمومة بقووة وبردكم تكونون فرجتوا همي ولاتنسون اجر من ساعد في تفريج هم مؤمن وماراح انساكم من دعائي :44:

يا عزيزتي .. اذا لك معزة عندها اكيد بتتصل او بترسل اذا فقدتك .. ولو زعلانة بتقول لك اذا مو اليوم بكرة بعد شهر بعد سنة
بعدين تزعل من ايش ؟
انتي بعيدة ولا سويتي شي .. لا تفكرين كذا ابداا عززي ثقتك بنفسك اذا ثقتك بنفسك عاليه... عليهاااا كمااان اكثر .. حتى لو اخطأتي اعترفي بخطأك بعد بثقة ..
صدقيني حبيبتي اذا تبين انتي تحبين نفسك ..و الناس تعمل لك حساب وقدر ..وتعجب فيك لذاتك مو عشان اي شي ..
الثقة بالنفس حتى لو كانت فيك ثقة عاليه ..زيديها .. بس طبعا مو لحد الغرور والكبر .."لا يدخل الجنة من كان في قلبه مثقال ذرة من كبر"

ويا اميرة .. انتي لازم تقدري ان الانسان في حياته امور ثانية وضروف.. مو شخص واحد ..
واعجاب الطالبة بالمعلمة من باب الخلق او حتى الارتياح النفسي ..فترة يكون طاغي عليك ..وبعدها تذكريها بالخير وتدعين لها
لكن تواصل ورسائل وجوال .. صدقيني راح تكون مؤقته .. بحكم فارق العمر والاهتمامات .. واللي يجمعكم مو صداقة لااا هو معزة لا اكثر ..
خذي نصيحة من اخت لك و قبل اي شي انا احط نفسك بوضعك واحكم .. ابداا لا تدوري خلف انسان انتي اعطي احسن ما عندك اللي يرضي ربك اول شي وضميرك ..ما شفتي استجابة .. ادعي له بالخير .. لا تشيلي بقلبك على احد
لأنه لو ضليتي تفكرين ..بعد سنة او سنتين يكبر تفكيرك واهتماماتك و تتحسفين على كل لحظة قلق قلقتيها في هالموضوع
حاول تركيزي بعاطفتك على نفسك حبي نفسك دلليها ..شد حيلك ركزي على احلامك ودراستك وش تطمحين تكونين .
وجهي عاطفتك لأمك خواتك ..تحصلين نفسك سليتي عن هذا الامر تلقائيا .
وانتي بسم الله عليك لسا صغيرة .. حتى صداقاتك ما راح تتكون بهذي المرحلة ان شاء الله على آخر الجامعة بأذن الله تحصلين صديقات صح .. تتوافقين وياهم فكريا وعاطفيا ويحبون لك الخير مثل ما يحبوه لأنفسهم بأذن الله.. ويغنونك عن اي صداقة او تعلق ثاني ..
لا تفكرين اني انصح :) بس هذا رايي ..وطبعا الاختيار لك انتي .. وكلنا مرينا بالاشياء هذي :)

وسعي صدرك واللي يسأل عنك اسألي عنه.. طبعا بأستثناء الاهل والناس المقربين لك .. ولا تعطين الدنيا اكثر مما تستحق

فليهااااا بالطول العرض بما يرضي الله طبعا ..وابعدي عن الهم والنكد والحزن

محد ماخذ منها شي

والله يوفقك


اذا استفدتي من كلامي ادعي لي ربي يوفقني وييسر اموري :)