تكفون ادخلو

انا عندي ولدي البكر عمره سنتين وثلاث شهور ، انا خايفه ان معاه التوووووحد، انا صدق ماكنت ملاحضه عليه بس وحده من خواتي قالت لي ليكون معها توحد بمزح انا حزت بخاطري وقمت ابحث وبعدها خفت وسوسست😭بقولكم سلوكيات طفلي وانتم ساعدوني بخبرتكم ويحتاج اعرضه على دكتور؟* اذا ناديته احيانا يلتفت لي واحيانا لا* لعب مع الاطفال احيانا يلعب واحيانا يحب يلعب لحاله* اذا طلب منه احد يبوسه يقوم ويبوسه* الكلام بس ماما وبابا-اح-يم-هاتي-هوبا-هاه* اذا هرجته يناضر بعيوني واحيانا يكون منشغول ولا يطالعني بس انه يناضر في بعض الاحيان* يحب يحضني اذا قلت بوسني يبوسني يعني يتفاعل معي وقت ابوسه واعطيه حنان وكذا.*اذا كلمته مايطالعني بس احيانا يطالعني*عنده فرطط حركه مره ويحب يخرب اذا قلت لا اترك هذا وسحبته من عنده يرجع له مره ثانيه.* اذا ابيه يكرر معي الكلامات مايكرر معي يكون انتباها مو معي
* اذا احد كلمه مايعطيه وجه ولا ينتبه له *اذا يبي شي يطلبه مني بالاشاره او هاتيه اذا يبي رضعه او يبي ياكل يطلب مني ياخذني بيدي ويوريني الشي الي يبيه* يحب يشارك العابه عايدي* يحب يرقص مع الاطفال
* ياشر على الي يبيه
* اذا قلت هات هذا يروح يجيبه
* اذا جاء ابوه او اي احد يركض لعندهم
* يعرف يفتح الابواب يقفلها مادري لهذي دخل ولا لا بس والله من الوسوسه صرت اركز على كل شي😭.انا اشوفه طبيعي جدا نفس الاطفال عنيد ويخرب ويستكشف مايخلي شي مايمسكه بس الي خلاني متوتره ⬇️( الي مره قاهرني ومخوفني ان مره مشتت انتباه اذا ناديته مستحيل يقول نعم او يلتفت لي الا اذا اغريته بسي فهمتو مثلا اقول شوف وش معاي يلفت لي ان شاءالله فهمتو،اذا اخذ سولف معاه ماينتبه له يعني يطنشه يروح يكمل لعب )
*** والمصيبه كنت حاطته قدام تلفزيون ٢٤ ساعه والجوال بعد
الحين قطعتها عنه
الله يسعد الي ترد يارب