المفروض قبل ماتسوين حساب بالانستجرام علمتيهم وحاولتي تقنعينهم.

لأن دايم الأهل اذا اكتشفوا ان البنت تسوي حاجة من وراهم مهما كانت بسيطة خلاص يفقدون الثقة فيها

خليك وااااااثقه واعطيهم الرقم السري وخليهم يفتشونه، علشان يتأكد وون، بس من رأيي ان حسابك الانستقرام اللي فيه صور شخصيه الغيه، ولايشوفونه،

بصراحة الاخوان اللي مثل هالنوعية المفروض ماتعطينهم وجه يتحكمون فيك واذا قال لك شي قولي كلن يرى الناس بعين طبعه وهدديه انك عارفه ان له حساب وسخ واذا جاء ابوك قولي له خليه يوقفه عند حدة ،،مشكلة بعض الاخوان يظن ان تصرفاته هذي من باب الحرص على خواته وهو العكس يدمرهن ويفقدن الثقة باانفسهن والله يهدي اخوك وشباب المسلمين

حبيبتي
كلمي أبوك قبل ما يجي و علميه بكل اللي سار
و خليه ياخذ الجوال من أخوك و و أعطيه رمز القفل و هو بنفسه يشوف حساباتك في الإنستقرام
و لو كان أبوك كبير و ما يعرف للبرامج هذي خلي واحد من أخوانك غير هذا الشكاك يشوف معاه
المهم يكون الجوال في يد أبوك عشان يتأكد بنفسه و يشوف بعينه
و تكونين حاضره و أنتي طبعاً واثقه من نفسك
و لو تطاول أخوك اللي أخذ الجوال منك تقدرين تلمحين له بشكل غير مباشر
يعني قولي ليش تشك فيه ، كلاً يرى الناس بعين طبعه
أو بينك و بينه لمحي له إنك تعرفين عن حسابه عشان يتأدب
اكسبي أبوك في صفك ما دام أنت ما غلطتي
و لا تفتحين المجال لأخوانك يفتشون عليك و يحرمونك من الجوال عشان أفعالهم
أبوك هو ولي آمرك و هو المسئول عنك
طبعاً تتكلمين بهدوء و بثقه و احترام و بدون عصبيه و صراخ
و بعد كذه علمي أبوك و أمك بأي برنامج تشتركين فيه و فهميهم أنك ما تقدرين تتابعينها و تستفيدن منها بدون ما تشتركين فيها و أنها تختلف عن طريقه المنتديات اللي الكل ممكن يدخل و يستفيد بدون ما يسجل ، و وريهم الحسابات الخاصه بالطبخ و التجميل و الأزياء و غيرها عشان يعرفون إنك داخله تستفيدين ، و أعطيهم إيميلك و حسابك عشان لحد يقدر يتكلم عليك
أنا مضافه عند زوجي في التويتر و الإنستقرام و الفيس
و أختي الصغيره عندها حسابات في كل هذي البرامج و أنا و أخواتي نتابعها و هي تتابعنا عشان كذه مرتاحين
الله يوفقك و يسعدك

شوفي حبيبتي دايم كرري وقولي اللهم اكفينياه بما شئت واقري عليه الايه الكريمه
((وجعلنا من بين ايديهم سدا ومن خلفهم سدا فأغشيناهم فهم لا يبصرون))
وادعي الله ان يكفيك شره ويسخره لك ويهديه.
والتصرف المناسب حاليا السكوت طنشيه لان ماعندك شي تخافين منه ابداااا
واذا جا ابوك بالسلامه قولي بوجهه من غير ما يحس اللهم ملكني قلب من احوجتني اليه
وافتحي معه الموضوع وقولي يا يبه اذا ما يعجبك ان يكون عندي انستغرام امسحه عادي
لان انت ولي امري وتاج راسي اما اخوي ماله حكم علي بوجودك.
وبصراحه الي مفرعن اخوك عليكم امك المفروض توقفه عند حده واذا هو نجس على نفسه
وليش يبي عليكن الزله انتم اعداءه وله خواته؟؟؟
حاولي تفهمي امك ان توقفه عند حده ولا يتدخل بشؤونكم البنات بوجود الوالد الله يحفظه.
بالذات انكم ما تسوون شئ منكر او عيب.