تكفون ادخلو عطوني لو فكرة

حقولك انا اش صلحت قبل 5 شهور
شريت فستان ابيض ساده فيه دربيه بسيط وكان معاه شال-عملت ميك ابض مثل يوم زواجي كان اوفر شوي وبأكلين وتسريحه بسيطه بالبف واستخدمت الشال كطرحه
وزوجي كان نفسه اصبغ شغري اسود فصبغت بذاك اليوم- وع فكره كل هذا سويته بنفسي ولله الحمد مارحت لمشغل_

غرفة النوم غيرت من ديكورها 180 درجه
شريت المفرش الأحمر بالإضاءه وعندي بالسرير فقط عمودين واضفت كمان عمودين(عصايات مكنسه ولفيت عليها شطرطون احمر)
وجبت 4 امتار شيقون احمر ووصلت مابينها فصار كأنها السرير الفرعوني على قولهم
غطيت الأريكه والكمدينات والتسريحه بساتان احمر
شلت كل شي ع التسريحه وحطيت اللابتوب وركبت فيه فلاشة عرض احتفال بالزواج شريتها من وحده هنا بالمنتدى
رشيت ع الأرض العصي المضيئه فصار منظر الغرفه جنااااااااااااااااااااااااااااااااااان كأن السيراميك اللي بالأرض اللي بالمحلات الفخمه اللي فيه اكلين
ولعت شموع فواحات حمراء علشان كمان تعطي ريحه حلوه بالغرفه
وطبعا شريت قميص احمر جديد احمر طويل
وحطيت البوم صور زواجنا ع السرير علشان يكتب لي عليها
خلصنا من غرفة النوم
بعد صلاة العشاء دخل زوجي البيت وحطيت له الثوب والشماغ والبشت اللي لبسه يوم زواجنا وشغلت شريط زفه اسلامي عبال ماخلص لبس
بعدين حطيت له كرت مكتوب فيه يروح لغرفة المعيشه ويفتح الفيديو-
فتح وطلع له شريط زواجنا-
كان بالأول استعراض صور- وكنت انا متخبيه ورى باب الغرفه
ولما بدأت زفة يوم عرسي بالفيديو دخلت عليه لغرفة المعيشه وهو كاشخ بالبشت
طبعا كانت مفاجأه حلوه بالنسبه له
بعدين اخذني المطعم كان عازمني ع العشاء- طبعا احساس لايوصف لما انا طالعه مع درج المطعم(هو النخبه اذا تعرفيه) وذيل الفستان طويل من الخلف والناس كلها تناظر وتحسب اني عروسه صدق,,وااااااااااااااااااو
وخذيت هديته معي بالشنطه ع اساس اقدمها له بعد العشاء
هو كان نفسه بجوال معين والحمدلله جبته له( ع فكره انا مو موظفه ولا عندي دخل خاص بس فضلت طول السنه احوش 1500 لحدة ماتجمعت وجبته)
قدمته له والحمدلله فرح كثير
بعدين رجعنا البيت وشاف غرفة النوم وانبهر وشغلت الفلاش
وع فكره الفلاشه صلحت جو مره حلو
لأن الحركات اللي فيها حلوه
والحمدلله عدت الليله وانبسطنا
هذا ثاني ذكرى نحتفل فيها
اذا انتي اول مره احلى لو تلبسي فستان عرسك وقميص دخلتك

اتمنى اكون افدتك حبيبتي
واذا تبي اي استفسار او مساعده ارسلي لي ع الخاص لأني مشغوله كثير هالأيام وما ارجع لكل المواضيع اللي اكتب فيها

up

يسلموووووووووووووووووو عزيزتي كنوز افكارك حلوة لاعدمناك يارب
وبرضو نانا ع الرفع