تكفون ادخلو وادعو لي بالهدايه والصلاة

حبيبتي انا كنت زيك أئخر الصلاة وانام عنها الله يسامحنا ويهدينا
ادعي دايما لنفسك بالهداية وقولي اللهم اجعل الصلاة قرة عيني وكرريها بنددددم
وترا لا يغير الله مابقوم حتى يغيرو ما بأنفسهم لازم تبتدي انتي مو تستني ربي يهديك لو كذا اجل ليش في حساب وعقاب يوم القيامه؟
ووقت الصلاة اذا تثيقلتي افتكري ان الشيطان هو اللي يوسوسلك وان ربي شايفك ويعلم انك سمعتي الأذان وماقمتي للصلاة
عاتبي نفسك بكل وقت
وحطي بحسابك انه اذا بنتك ماشافتك تصلين هي بعد مابتصلي وذريتها زيها نقدري تتجملي الذنب؟؟
اذا دخلتي النت اقرأي قصص الهداية تقشعر لها الأبدان
الله يهدينا ويثبتا على طاعته آميييين يارب

قال صلى الله عليه وسلم : ( العهد الذي بيننا وبينهم الصلاة فمن تركها فقد كفر) رواه الإمام أحمد ،

تذكري كلما وسوس لك الشيطان بترك الصلاة..

أن مصيري ومصيرك أن نوسد الأرض ..

ويوماًً ما لابد وأن نفترش الثرى..

وبعدها الحساب ولا عمل..

والآن مازالت الفرصة أمامنا فالآن العمل..

إسمعي هالمحاضرة......

صلاتي نجاتي....

http://www.islamway.com/?iw_s=Lesson&iw_a=view&lesson_id=55364&scholar_id=409

أسأل الله أن يهديك ويثبتك على دينه..

انتي شكلك تعانين من ضغوط نفسيه ولا من مشاكل قديمه اثرت في حياتك وتركت اثر للحين وصار عندك مثل الا مبالاه خاصه في الامور الدينيه
تتجاهلين الموت وانتي تشعرين فيه تتجاهلين الصلاه وقلبك يتقطع عندها لا تذكرتي انها راحت عليك
اختي مهما الانسان مرت عليه اغلاط كثيره بينه وبين نفسه وهذي من الامرو اللي تجعلك تستحقرين نفسك وتتكاثرين بان الله يراك ويرا عملك وبكذا تتمادين في جفافه القلب والقسوه على نفسك

انتي تحتاجين بس حاجه بسيطه وتنحل امورك
غيري نفسك وطباعك وراح يتغير كل شي تبيني اساعدك ماعندي اي مشكله ارسليلي رساله فيها ايميلك وباذن الله راح تتغيرين طبعا اذا حابه

حبيبتي علاجك بيدك انتي وبس مااحد يقدر يساعدك غير نفسك .. الدعوه ماهي سحر .. اذا ماغيرك خوفك من ربك ورغبتك في قربه .. ماراح يغيرك شي ثاني .. واتذكري لايغير الله مابقوم حتى يغيروا مابانفسهم .. لو انتي من داخلك تبين تصلين راح تجاهدين نفسك حتى لو كان في البدايه صعب مع الوقت بتتعودين وبيصير شي اساسي بحياتك .. لو تخيلنا انه في الواقع كاقل مثال اسنانك مكسره ومعدومه ومشوهه شكلك ورحتي لطبيب اسنان .. بتتحملين الاملم عشان شكلك قدام الناس يتعدل .. او بتقولين مااقدر اتحمل الالم .. وتجين تحطين موضوع هنا تكفون يابنات ادعول لي انه اسناني تتصلح من نفسها ..
كلامي هذا مو توبيخ عديني اختك :) .. بس هذا الواقع
زي ماابيهمك شكلك قدام الناس وكيف بينظرونك .. اتذكري كيف راح ينظر لك ربي وانتي عماد دينك ماتنفذينه .. على فكره عمود اسلامك هو صلاتك واذا ماتصلين ترى ماله داعي انه يكون مكتوب باوراقك ان مسلمه لانها بتكون مجرد منظر مافيها اي قيمه .. الله يصلح حالك .. وحال عيال بتربينهم وانتي ماعرفتي تعطين نفسك اقل حدودها وواجباتها تجاه اللي خلقك وسترك واعطاكي وماحرمك

هلا حبيبتي بدايه اسأل الله لك ولنا الهدايه والله صعب ياقلبي نهجر الصلاه لأنها عماد الدين الصلاه

وقال الرسول عليه واتم التسليم ..( العهد الذي بيننا وبينهم الصلاة فمن تركها فقد كفر)

وأنتي انسانه عاقله واعيه مدركه ولاشك لهذا قوي ايمانك بالله واستعيني بالله وقومي الحين بهذي اللحظه وصلي ركعتين لله شكر

انه يستر عليك بكل موقف ويمكن يكون لك شأن عظيم غاليتي لهذا حافظي على صلاتك وعودي بناتك عليها حتي مايجي يوم ويدعون

عليك أنك ماحببتيهم في الصلاه ولا علمتيهم واسمعي هذي القصة وبالطبع لاتتمني أن يدعوا عليك بناتك ..

نسأل الله لك التوفيق والهدايه وأن يشرح صدرك يالايمان وصدقيني ياغاليه أن قلبك رائع واحس راح تكوني انسانه غير

ويمكن تكوني داعيه بعد للخير بس حافظي على صلاتك وانظري لحالك بعدها بإذنه تعالي راح تكون حياتك أفضل من كل النواحي ...

قلبي ودعواتي بتكون معك ياغاليه

تفضلي هذا الرابط صحيح بالبدايه القصه مالها علاقه بس هي مرتبطه ايضاً بالصلاه وكيف حنا مسؤلين عن عيالنا وتعليمهم الصلاة


اسمعيها للأخير ياغاليه ..


http://www.qasralkhair.com/lectures,item,80.html