تكفون ادعولي

صارت مشكله بيني وبين زوجي وداني لاهلي
مع انه هو الغطان ارجع والاانتظر مع ان زوجي فيها كبرياء ماتوقع يجي ياخذني

راح اقول لكم السالفه بصراحه زوجي اخر سنتين مايحترمني ابد وغامض الي درجه ماتتصورونها

بس معي اناومع الناس شي ثاني ادري بتقلون يمكن ماتحفظين سره لاوالله كم مره اتناقش انا وايه يقول انا طبعي كذا تبين ولا روحي بيت اهلك مع اني ماسئله كثير بس والله انقهر لادريت من احد انه مثلا بيسافر ولا علمني حتي لو علمني عشان اجهز اغراضه مايعلمني وين يروح ادري من الناس والله احس بالقهر
ولاحترام مافيه ابد حتي قدام اهله وقدام امي وقدام عيالي عشان شي تافه عشان كلمه نطقتها غلط تعبت من تصرفاته معي عدواني الي ابعد درجه يطق عياله طق قسم بالله مره طق ولده من قوة الطق مايقدر يقعد مايخليني اتكلم مايخلني اقول الي باخطري

اساس المشكله قبل رمضان باسبوعين انسد المطبخ يعني الماء مايصرف مايروح لو اغسل المواعين يمتلي المطبخ ماء والريحه الله لايوريكم ورفض يصلحه عجزت اكلمه يقول مابي اصلحه لو كلش يصير قلت طيب بعدين يقول لا اغسل المواعين بالمغسله جاء رمضان تعرفون المواعين كثيره والمطبخ ماقدر اغسله تعبت من نقل المواعين قمت قلت انا بصلحه تعبت ماعرفت حست الدنياحوس الماء مره مايروح تخيلو مرتين يعزم رجال واطبخ العشاء قلت اكيد بيرحمني ويصلحه لاكن ماهمه وطلبته طلبه يصلحه واناء اصيح واترجاه ويقول لالا ماني مصلحه لو تموتين قبل يومين قلت ماني طابخها قال عادي لاتطبخين ابد قعدت يومين ماطبخ اول يوم حشيت صامولي جبن ياعمري عيالي قعدو يصحون متعودين علي الطبخ الحمدالله انا فنانه بطبخ وهو ماياكل غير طبخي واليوم الثاني طلبت من برا وهو ماكل غير تمر من بطشه وصار مايكلمني ويهددني بالطلاق وامس وداني لاهلي ولاكلم ولاشي وش رايكم تكفون المشكله ان رجعت بيحس انه هو الصح وانا الغلط وان جلست انا الاغلطانه وهو حاط بباله اني ماقدر استغني عنه ادعو لي تكفون انا بهم مايعلم به الي الله