تكفون اسعفوني برسالة مؤثرة .. مجرووووووحه ياناس :(

زعلك حبيبي يموتني ويحييني
عطني سبب للزعل يا كثرها اسبابك
عطني سبب يستحق انك تبكيني
داويت حزنك على بالي على بالك
لو يوم حزني صرخ بيدك تداويني
ان كنت قطعتني من رزمة كتابك
ما زلت ينبوع شعري في دواوييني

**************
تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني

زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني

زمن فيه الوفا ولى وسيف الغدر به مسموح
يسله من هوى ذاته ويهوى بس يشـقيـني

زمن فيه الأنا تقتل مشاعر بين روح وروح
وعلى كثر الألم منها صار الفرح مجـفيني

شوف الواقع المؤلم يعشق شوفة المجروح
رسخ في داخلي كلي ووده حيل ينهيني

****************
لو يبان النور ماشفت السعادة

بالمحبة والوفا عندي شهادة

إنتهت دنياي باحزان وهموم

والخجل موجود والخافق رحوم

**************

خذني بحنانك وطف البرد بعظامي؛؛
يمكن "بحضنك" أنام الليل واحكي لك ..
محتاج أسافر بعيد فيك بأحلامي؛؛
وأنزل بصوتي على شاطي مواويلك ..
واحط راسي على "صدرك" شوق وهيامي؛؛
واترك خفوق تعذب فيك يشكي لك..!!

****************
ان كان تعذيبي يسرك ويرضيك
عطني عذاب واخذ بداله سعاده
اهجر على كيفك وزد تحديك
وانا بدال الهجر احبك زياده
لك مني ابكي كل ماحل طاريك
لين البكا يصبح مع الوقت عاده
مهما حصل يازين ماني بناسيك
اسمك نقشته دمع فوق وساده

************

أبي أرحل لعالم ثاني..
أنسى فيه كل زماني..
وأوعدك إذا رحلت
راح أقسي قلبي وأسجنه..
لكن مع هذا وذاك..
أعرفه قلبي ماراح ينساك..
باقي على ذكراك؟؟
لو هجرته .. لو طعنته .. لو ذبحته ..
بيظل يهواك ويهواك..
الين تدفنـــه ..
(( بيمنــــــاك))..!

***********
لحظه حبيبي وقف هناك بالدور..

مانيب فاضي يمكن افضى لك اشوي!!

لازم تذوق المر وتعيش مكسور..

واكويك من جمر الهوى لاغدى حي..

ولو بعتلي عمرك فلا قلت مشكور..

لانك بعيني صرت كلك ((ولاااا شي))!!

*******************
تعال لحف عيوني
بليل عشت به لحظات ..
تعال سمعني سواليفك وهمساتك ..
تراك اللي تسافر بي عن أحزاني والآهات ..
تراك اللي تبعثرني وأنا اللي جامع اشتاتك ..
جدار الصمت يقتلني
ابيك تجدد الضحكات ..
تراك الوحيد اللي تزيل الهم ضحكاتك ..

***************


أصبر ياقلبي وأنتظر خل الحزن مكتوم

كل المعاني تغيرت وأتضحت الصوره

صار الصدق في هالزمن مثل الوفا معدوم

ونفوسنا تجرحت والفرحة مكسورة

كل المبادئ تنشري واللي معاه يسوم

حتي المشاعر ارخصت والكلمة مهدوره

****************
تدري أن الجرح للمجروح دين..
وانت جارحني وحقك اجرحك
وين تبعد وأنت في نفسك سجين..
وين تنسى وانت ناسيني معك
كيف تفرح وانت تاركني حزين..
طيف جرحك مثل ظلك يتبعك

***********


كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين...

***********


هذا الي عندي ولا تنسيني اختي عليك بكثرة الأستغفار

الشباصه

الله لا يحرمك الجنه قولي امين
من جد رسائل روعه


والباقين وينكم اسدحوا مافي جعبتكم :(
والله اني مجروحه
على الاقل دعوه

امين يارب

ربي يهديه..

عندي رسالة بس قوية <تذل>


الله يعينك

اشواك هادئه ارسليلي هي بليز محتاجتها