تكفون اقرو سالفتي ورفوعها ولو بدعوه

السلام عليكم ورحمة الله
بنات انا ولدت بنتي بالشهر السابع كان وزنها 800 جرام جلست بالحضانه شهرين ونص بعد ماخذت عندي شهرين صار عندها مشكله بالفتق الاربي واحتباس بالامعاء وسوينا عمليه وجلست بالعنايه سبوعين طلعت الحمدالله بسلامه والحين لها سنه وزنها ضعيف مره ولا تتقبل الرضاعه كثير ولا تاكل ولا حتى تنقلب على بطنها ولا تمسك الاشياء زين احس اعصابها شااده وديتها لدكتور وقال سليمه مافيها شي تكفون بنات من لها تجربه او تعرف دكتور ممتاز بالرياض تدلني عليه لاني احس وضعها مو طبيعي وكثير يقولون انتظري عليها لانها جات خديج وزنها ضعيف من مرت بنفسها تقولي لاتبخل علي وربي حالتي مايعلم بها غير ربي
شاكره لكم