تكفون الحقوني اسالكم بالله تساعدوني وربي شوي وبموت من التفكير

بسم الله الرحمن الرحيم السلام عليكم ورحمة الله وبركاته بنات انا عندي مشكله تخوفني بالمره راح اعلمكم السالفه ويااااااااااليت تساعدوني الله يجزاها خير اللي تساعدني في مشكلتيانا عمري 17وعندي جوال رقمي مميز بالمره المهم السالفه ان بنت عمتي صديقتها عطتها رقم وقالت هذا رقمي المهم بنت عمتي سجلته عندها وترسل للبنت رسايل تعرفون الحركات رسايل شوق ورسايل للعيد وكذا المهم يمكن لها 4شهور وهي ترسل لها والبنت ترسل لها كلمة (الشوق جابك) تخيلوا بس كذا راحت بنت عمتي ودقت عليها بس ماترد واذا ردت ماتتكلم المهم اللحين ندخل سالفتي جتني بنت عمتي وقالت :يا فلانه صديقتي تستهبل علي بدق عليها من جوالك قلت اوكي بس قالت لي انتي كلميها عشان هي تعرف صوتي قلت اوكي ولا يهمك اتصلت برقم رد علي صوت رجال انا ارتبكت وقمت ارقعها قلت :هذا جوال مها قال:لا غلطانه المهم صكرت وعلمت بنت عمتي قالت لي :لا تلقينها عرفتك وقامت تستهبل وراحت دقت مره ثانيه بس هالمره سكتنا ماتكلمنا قال :الووحنا ساكتين هو قام يتميلح قال:يوووووه وبعدين مع الحلوين حنا بسرعه صكرنا وبنت عمتي تاكدت انها مو صديقتها بعد عشر دقايق دق هوقال بجديه:لو سمحتي هذا مو جوال مها والرقم هذا اعرف باسم مين ولا عاد تدقين مره ثانيه حنا انا وبنت عمتي انصدمناااااا بس قالت بنت عمتي :تلقين هاذي حركات الشباب عشان تدقين عليهم وتقولين لالا لاتعلم احد ومن الحركات ذي ما عطينا بال للموضوع جاء بكره انا بصراحه كنت خايفه اخذت جوال اخوي واتصلت على الرقم وكانت المفاجاه انه واحد من جماعتنا انا خفت وبسرعه صكرت والشخص هذا مع عيال عمي بالمره وانا خايفه انه يعلم احد وربي مره خايفه انا يتيمه ماعندي الا اخو واحد وامي مربيتنا فخايفه من عيال عمي وش اقول لهم وخصوصا ان السالفه لها تقريبا 4شهور ورقمي باسم عمي وماعلمت احد نهائيا بالسالفه الا بنت عمتي وهي علمت امها بالسالفه بس مو عني انا لا عن ان الشخص هذا (وعلى فكره يقول لعمتي ياخاله لانها خالته بالرضاعه )قالت لها ان الشخص الفلاني دق علي وازعجني وعرفت انه فلان قام قالت لها عمتي:صكري على السالفه وخلاص وفعلا هذا اللي صار بس ماقالت لها عني انا انا عارفه اني على حق وماسويت شي غلط بالعكس هو اللي غلط يوم يستهبل مع بنت عمتي وخاصه ان بنت عمتي جوالها باسم اخوها والشخص هذا يشتغل بالاتصالات يعني يعرف كل جوال باسم مين انا مطنشه الموضوع لي 4شهور بس امس امي تحلمت في ابو الشخص هذا وان عنده ولد مات وحلم طويل عريض (على فكره انا ماعلمت امي بالسالفه )وربي خايفه بنت عمتي تقول لاتعلمين احد واذا صار وعرفوا بالسالفه او شي قولي :انا كنت غلطانه لا اكثر ولا اقل وبنت عمتي تقول خلك قويه ولا تخافين وخلك واثقه من نفسك وماعليك منه بس انا وربي خايف منه عشان تعرفون الناس مالها الا المظاهر