تكفون الله يسعدكم ويفرج همكم ادخلو وساعدوني 😭

سلام عليكم
صراحه مادري وش اقول انا اول مره اكتب في عالم حوا
( ومادري موضوعي مناسب لذا القسم ولا لا لان ماعرف كثير في الموقع:


*المهم مابي اطول وابدا في موضوعي:
انا عندي ولدي البكر عمره سنتين وثلاث شهور ، انا خايفه ان معاه التوووووحد، انا صدق ماكنت ملاحضه عليه بس وحده من خواتي قالت لي ليكون معها توحد بمزح انا حزت بخاطري وقمت ابحث وبعدها خفت وسوسست😭
بقولكم سلوكيات طفلي وانتم ساعدوني بخبرتكم ويحتاج اعرضه على دكتور؟؟
* اذا ناديته احيانا يلتفت لي واحيانا لا
* لعب مع الاطفال احيانا يلعب واحيانا يحب يلعب لحاله
* الكلام بس ماما وبابا
* يحب يحضني اذا قلت بوسني يبوسني يعني يتفاعل معي وقت ابوسه واعطيه حنان وكذا.
*اذا كلمته مايطالعني بس احيانا يطالعني
*عنده فرطط حركه مره ويحب يخرب اذا قلت لا اترك هذا وسحبته من عنده يرجع له مره ثانيه.
* اذا ابيه يكرر معي الكلامات مايكرر معي يكون انتباها مو معي
يعني من الاخر الانتياه مشتت.
* اذا احد كلمه مايعطيه وجه ولا ينتبه له
*اذا يبي شي يطلبه مني اذا يبي رضعه او يبي ياكل يطلب مني ياخذني بيدي ويوريني الشي الي يبيه
* يحب يشارك العابه عايدي
* يحب يرقص مع الاطفال
* يعرف يفتح الابواب يقفلها مادري لهذي دخل ولا لا بس والله من الوسوسه صرت اركز على كل شي😭


.
.انا اشوفه طبيعي جدا نفس الاطفال عنيد ويخرب ويستكشف مايخلي شي مايف*** بس الي خلاني متوتره ⬇️
( الي مره قاهرني ومخوفني انو معاه توحد ان مره مشتت انتباه اذا ناديته مستحيل يقول نعم او يلتفت لي الا اذا اغريته بسي فهمتو مثلا اقول شوف وش معاي يلفت لي ان شاءالله فهمتو،اذا اخذ سولف معاه ماينتبه له يعني يطنشه يروح يكمل لعب )
.
.
تكفون تكفون ساعدوني
اذا احد عند شخص معه توحد او عنده خلفيه يقول انا مره خايفه
ولا ادري وش اسوي ولا ابي اقول لحد مابي احد ينظر لولدي على انه مريض مع انه ابتلا من الله بس قلبي مايتحمل تكفون انا اعرضه على دكتور ولا ولدي طبيعي
الله يسعد الي ترد علي والا ترفع الموضع الله يفرج همها ويحقق الي تبيه يارب😭😭😭😭😭😭😭😭