تكفون اللي بقلبها ذرة رحمه تدخل

لي عوده بروح الصلي وارجع لك
مايمدي اقراء الموضوع

شوفي حبيبتي الله يكون في عونك وهونيها عشان نفسك ولاتحرقين اعصابك على حساب صحتك..وطبعا معك حق صعب الرجال مايحس بالمسؤليه لكن ..انا اللي اشوفهئ تحاولين ولاتيأسين وتقعدين عند اهلك وتريحين اعصابك وبعدين فكري كيف تحلين مشاكلكم وتستشير اخصائيين في هذا المجال ..اهم شي لاتيأسين وربي ييسر امورك ويفرج همك..

كل وحده متزوجه في حياتها مشاااكل مهما استقام الرجل وعلا منصبه كل زوجين بينهم اللي مثلكم وهدا شي عااادي
ساعديه الين يتوظف بدون هجوم مباشر راح يعاندك لو اصرتيه وصبحتيه على كلمة توظف توظف ومسيتيه على نفس الكلمة


تحياااتي لكي الله يسعد ويوفقك

كل وحده متزوجه في حياتها مشاااكل مهما استقام الرجل وعلا منصبه كل زوجين بينهم اللي مثلكم وهدا شي عااادي
ساعديه الين يتوظف بدون هجوم مباشر راح يعاندك لو اصرتيه وصبحتيه على كلمة توظف توظف ومسيتيه على نفس الكلمة


تحياااتي لكي الله يسعد ويوفقك

معليش يمكن اضايقك ببعض كلامي بس والله ابغى تستفيدين

اول شيء لانكم كنتوا تحبون بعض وتزوجتوا __انصدمتي من الوضع
لان اول كان كل همك انك تتزوجين الي تحبين
مو زي اي وحده يخطبها رجال تكون ماتدري ايش بيكون الوضع
فمهما صارت الظروف تكون متوقعتها

((هذي النقطة مالها حل-بس انك تبعدين عنك الافكار السلبيه
لا تقولين انصدمت وكذا


الشيء الثاني انتي ضعيفه- واعذريني عالكلمه هذي
انتي استسلمتي للوضع
وتحطمتي
وما حاولتي تحلين المشكله
بس اذا تهاوشتوا طلعتي حرتك
كذا ما يفيد حياتكم
بالعكس ممكن يهدمها
لانك جالسة تحطمينه
لدرجه حس ان مافيه امل يتصلح الوضع

الحل انك تحاولين تتقوين
وكيف؟؟ الله قوي فاطلبي منه القوة

ادعي ربك يهديك ويعينك ويسددك في اقوالك واعمالك

قوي ايمانك بالله
لاتقولين تحطمت وتعبت وانصدمت بوضعنا الصعب
قولي لنفسك هذا ابتلاء من الله لي
بيشوف صبري ورضاي بقدره

زوجك زي ماقلتي ما يتحمل المسئولية لذلك اتكلمي معاه بهدوء
وبدون تحطيم
وشيلي كل الكلمات الجارحة من لسانك
قولي انا عارفه ان الاشغال الي قبل ماناسبت لك
لكن لازم تدور شغل يتناسب مع شخصيتك لو شوي
حتى لو كان بيتعبك
هذي سنة الحياة

انتي بإذن الله مأجورة على تحملك لزوجك
لكن انا عندي فكرة انه ممكن تحملك الكبير له يخليه يتمادى
وما يهتم يوفر مصدر رزق
)((اعوذ بالله ان اكون اخرب بيت احد
انتي اعرف بوضعكم
لكن قلت انبهك
يمكن زوجك ماهتم
على باله انتي ما طلبتي يعني ما احتجتي)))الله يغفر لي ان كان كلامي هذا مايرضي الله

فانتي اطلبي منه اشياء معقوله
واذا قال ما عندي قولي طيب ااجلها شوي

وبعد فترة اطلبي منه
واذا اعتذر
افتحي معه موضوع العمل

اطلبي منه طلعات وتمشيات

ترى اغلب الاغلاط منه (زي ما قلتي

بس انتي السبب
خليتيه يتمادى - وييأس من تصليح الوضع - انتي مو مهتمه بنفسك ولا في بيتك --فطبيعي انكم تبتعدون عن بعض
هو يهرب للنت
وانتي تغرقين بأحزانك
بسبب الاحباط-
فأنتي لازم ترتفع معنوياتك

ابدئي مع نفسك
من بكرة

سوي جدول جديد
اشياء بسيطه وبتحسسك بالثقه بالنفس وبحب الحياة
تحسين ان ودك يجي بكرة لان فيه اشغال مشتاقة تسوينها

اول شيء سوي لك قائمة اعمال
بالبداية
اول يوم خليه اهتمام في بشرتك
لانك بتغيرين من نفسك
اهتمام بسيط مو شغلات صعبه
مجرد تنظيف بالحلاوة لكل جسمك
حتى لو انتي الاسبوع الي فات منظفه
لان غرضك رفع الثقه بالنفس والتجديد
واذا كان اطراف شعرك متقصف ولا مو مرتب رتبيه بنفسك (قصي المتقصف )او روحي للمشغل
نظفي رجلينك (بديكير - منكير
كله بنفسك
ما ياخذ كل هالشغل الا 3 ساعات بالكثير
وبعدها تروشي ترويشه على مستوى روقي فيها
وتنظفي زين
وبعدها اطلعي
ودهني وجهك بزيت زيتون خفيف بيعطيكي نظارة
وسوي بخور وتبخري وحطي عطر
وبعدها البسي لك لبسه حلوة من زمان مالبستيها نعومه وبسيطه مناسبه للايام العاديه-- لان ما قصدنا نسوي ليله رومنسيه
لا
بنغير انفسنا

حطي روج خفيف وكحل بس

بعدها انتي بتحسين انك حابه نفسك

رتبي مطبخك ترتيب عالسريع
لا تتعبين نفسك بأول اسبوع
عشان ماتتوقفين
اي شيء قدامك حايس رتبيه ترتيب سريع

قبل نومك صلي 3 ركعات: شفع ووتر
وبكل سجدة ادعي دعوة في خاطرك

اذا صليتي الفجر قولي الاذكار

اذا صحيتي الصبح سوي لك كاس شاي او قهوة او كبتشينو اي شي تحبينه
واجلسي عاللاب واستانسي وروقي
بعدها تبدين تصلحين الغداء
عادي سوي نفس الي متعوده عليه لا تخترعين ولا تكلفين على نفسك
بس انتي حطيها مرتبه بصحن
وسفرة ومو كل شيء حايس

الاستغفار سبب كبير من اسباب الرزق
صلاة الضحى لو تصلينها بتحسين براحة نفسيه طول اليوم
القرآن لا تتركينه ابد ابد ابد
يقول الله تعالى
((ومن اعرض عن ذكري فإن له معيشة ضنكا))


انا شخصيا تعببت اول زواجي كثير
بس بفضل الله تعدل وضعي
لانه من توكل على الله كفاه


بالتوفيق
ان شاء الله تستفيدين مما كتبت