السلام عليكم ورحمة الله وبركاته
انا حبيت اكتب لكم مشكلة عائله فقيره مره مره
فيه شايب مع زوجته وولدين ماهم متزوجين باقي عياله متزوجين وساكنين بنفس القريه اللي هو فيها
العايله ساكنه في صنادق اقسم بالله منزل غير مهي لسكن الكهرباء من الجيران وبعض الاحيان يفصلونه عليهم
عايشين على الجمعيه واهل الخير
المشكله ان الشايب ساكن بالبيت من اكثر من 60سنه وصار له تقريبا 16سنه يبي يطلع صك لبيته علشان الجمعيه قالت بنبني لك بس لازم صك البيت المهم راح للمحكمه قالت له جيب شهود علشان تثبت انه بيتك المهم راح مع الشهود وجلسو يمطلون فيه لحد ماتوفى واحد من الشهود ثم الثاني ومازل يراجع والشايب كبير بالسن سوى توكيل حق ولده المهم ماسوى له الشيخ شي وكل موعد يبعد عن الثاني شهر او شهرين وهم اقسم بالله بالحر حتى مره الشايب جاء حق زوجته يلهث يقول بموت من شدة الحر والزوجه كبيره بالسن عمرها 70 والشايب 85
وفيه ناس من اهل الخير بيساعدونهم في البنيان بس المشكله صك البيت
المهم راح مره للمحكمه حصل جارهم محتج يقول نص البيت ماهو حق الشايب والعمده والبلديه من قبل محدده البيت والشايب عارف حدوده وقام الشيخ يماطل فيهم بكره بعده شهر اسبوع ومازلت المماطله الحين من يقدر يساعد هالشايب علشان يطلع صك بيته وكل الاثبتات تثبت ان البيت له والشيخ معترف بها الشي بس حكم القوي على الضعيف
وحسبي الله ونعم الوكيل اقسم بالله بالمطر بيتهم يصير بحر ماعندهم مكان يجلسون فيه
واللي يبي يشوف حالتهم او يساعدهم يرسل لي وارسل له الرقم والعنون يروح يستفسر منهم افضل
والله حالتهم تقطع القلب حر وفقر وفوق هدا يجي الجار ويظلمهم
تكفون اللي يقدر
هم من سكان المنطقه الشرقيه بالتحديد قريه ابومعن قريب من مطار الملك فهد
مرجعتهم بمحكمة القطيف عند الشيخ خالد
والشايب سعد
اللي يبي الرقم يقول تكفون ساعدوهم والله يوم شفت حالهم تقطع قلبي عليهم بس مابيدي شي اسويه لهم
اليمامه3 @alymamh3_1
محررة فضية
يلزم عليك تسجيل الدخول أولًا لكتابة تعليق.
الصفحة الأخيرة
رجاء ارفعو الموضوع ولكم الاجر مايضرك شي