تكفون اللي سوت منظار رحمي تقولي كيف الطريقة لأني متوترة و خايفة

انا اول امس سويته والحمد لله

بداية اعطتني موعد الدكتورة نادية كابلي الله يوفقها في سمير عباس اعطتني موعد بعد الدورة باربع ايام وبشرط مافيه جماع
وكتبت لي حبتين حبوب اخذها الساعة 12 بالليل قبل يوم العملية مع الصوم بعدها
توكلت على الله واخذت الحبتين وبعد نص ساعة جاني مغص فضيع مثل الم الدورة بس بقوة اضن انه طلق لان الدكتور كلمته وقال هذي تنوخذ للاجهاض
اخذت حبة بنادول كمسكن وارتحت شوي ونمت
يوم العملية رحت لهم وترجيتهم انهم يعطوني مخدر كامل مابي احس بالوجع لكن الدكتورة الله يوفقها قالت والله مو زي الم الحبوب وراح اعطيك مهدئ بس وبتشوفين معانا التلفزيون والتصوير
بيني وبينك كنت مكذبتها اقول تلعب علي اكيد فيها الم
توكلت على الله ودخلت غرفة العمليات حطوا لي مغذي ومضاد وقربوا مني شاشة التلفزيون وجلست الدكتورة تكلمني وتدعي لي ربي يوفقها
بعدين دخلت الكاميرا مثل الانبوب وقبلها دخلوا موية دافية مدري مطهر مدري وشو ماعرفته
وصرت اتابع الشاشة واتابع رحمي والحمد لله حصلت عندي مشكلة بسيطة وازالتها تقول زي عش العنبكبوت من كثر ماسويتي تلقيح مجهري تكون هذا الشي وازالته
بعدين رجعوني للغرفة ولست نص ساعة وخرجت والحمد لله كان اسهل بكثير مما تصورته
اعطتني مضاد حيوي لمدة اسبوع مع عدم الجماع لمدة اسبوع ايضا وعدم الاجهاد
والان ينزل مني دم بس يعتبر استحاضة

واعطتني السيدي ولو كنت اعرف انزل الصورة كان نزلتها لكم

نصيحتي لا تتوترين وتوكلي على الله واعمليه وانتي مرتاحة

الف شكر أختي

و ربي ريحتيني يعني ما حسيتي بأي شيء

لا اختي جدااااااااااااااااا بسيط

سهلة بدون تخدير ولا شئ

الله يسهلها عليك