تكفون الماهرات بالمعجنات يدخلوا

والله مدري قصدك طريقه العجينه ولايش تبغين بضبط
اذا تقصدين العجينه فهذي الطريقه الي عندي حطي في الخالاط م خمير و4م حليب م ملح وفنجال سكروكاس مويه علا حسب الكميه وخلطيها مع بعض وحطي في زبديه كاستين دقيق اوحسب الكميه وفنجال شاي زيت
وحركيهم مع بعض وحطي الخليط عليها واعجنيها زين وتركيها تتخمر ربع ساعه وبعدين شكليه زيماتبغين واحشيه حسب رغبتك وهذي دايم تزبط معي
والله يوفقك

الله يعينك والله مريت بنفس التجربه
بس اشتري كتاب طبخ افضل لك بالطريقه والصور
عندك كتاب أطباق النخبه ممتاز
كتاب فتافيت ممتاز بما تعنيه الكلمه
وكمان الاطباق المميزه أذا ماخاب ضني
تلاقيها في المكاتب الكبري مثل العبيكان
وجرير
وهذه طريقه
2/كأس دقيق ابيض(كاسه تبع جبنه افضل كمقياس
2/ملعقة كبير خميرة فوريه
1ملعقه كبيرة بيكنج بودر
2ملعقه كبيره سكر
3 ملاعق كبيره حليب بودره
1 فنجال شاهي زيت
نصف ملعقه ملح
الما على حسب من كاسه الى كاسه وربع نفس كاسه الدقيق
نخلط المقادير الجافه اولا ثم نفركها بازيت ثم الماء بالتدريج حتي تكون عجينه متماسكه
واذا عجنت تترك لمدة نصف الى ثلاثهالرباع الساعة ومن ثم يتم تشكيله بالطريقه الى تناسبك
وسلامتك دعواتك للوالدة وبنتي بالشفاء العاجل

ياقلبو اهم شي بالعجينه الماء لااااااا تكثرينه حطي بس المقدا المطلوب وخلي جنبك الدقيق وانتي تعجنين كل ماحسيتيها سايله زيديها طحين واعجني اعجني وزيدي اذا احتاج لين تحسينها نشفت وبدت تتماسك وتتكور كعجينة عاديه
والله يوفقك:)

يسلموووووووووووووووووو

شوفي حبيبتي

أنا طريقتي ..

المقادير ..

في زبدية ..

2 كأس دقيق الكويت

1 ملعقة صغيرة باكنج بودر

2 ملعقة صغيرة خميرة فورية

شوي ملح

ربع فنجال سكر

اصبع زبدة

1_ بيضة

نصف كأس حليب بودر

كأس وربع ماء دااافئ


عمل العجينة..

تخلطين المقادير الناشفه سوا

تضعين عليها الزبدة بعد ما تذوبينها وتفركيها باصابعك حتى تتخلل الزبدة كل الدقيق

تخلطين البيضة والحليب البودر والماء بالمضرب

ثم تعجنين بها الدقيق

وإذا شفتيها قاسية شوي زيدي موية بسيطة

ولو لينة مرررة زيدي دقيق

وبس .. وطولي وأنتي تعجنين لما تتجانس مرة

وبعدين خليها تخمر لمدة نصف ساعة أو ساعة إلا ربع

وإبدأي بالتشكل والحشو وأهم شي لا تخلينها تطول بالفرن

يعني مجرد ما تحمر من تحت طفي وشغلي الي فوق على طول

ملاحظة ..

فطائر الفرن دائماً تفرد بالزيت وفطائر القلي تفرد بالدقيق < معلومة مهمة

..

وإن شاءالله تضبط معك وتسوين أحلى فطائر وترزينها لنا في هالقسم :)