تكفون المشوره والله لو يدري ابوي ان يجرجره بالمحاكم

السلام عليكم





كيفكم ان شاء الله مستانسين يارب تكونون مرتاحين مع ازواجكم


انا اول مره اكتب مشكلتي دايم اقرأ وارد وادعي للي تشكي ماتوقعت اني راح اكتب رغم اني لي اكثر من سنتين مشاكل مع زوجي
المهم انا راح ابدأمن اللي صار معي البارح دخل زوجي وأنا متضايقه ونفسيتي زي الزفت لأني قبل كم يوم لقيت رساله بجواله في مامعناها ان وحده تقول ليه ما راسلت مصروف وبكره اذا طلعت الدوام ارسل لأن عيالها عندهم مدارس وتسأل اذا بيجي عندهم يوم الاربعاء اللي راح طبعا بعد مايصرف عياله المهم انا لما لقيت الرساله سألته وحلف انه مايدري عنها المهم دقيت امس بدون زوجي يدري رد رجال علي وقفلت قلت يمكن هي جالسه مع زوجها وقالت رقم غريب على شان تكون دايم في نظره انها سليمه

بتقولون ليه ماصدقتيه يوم حلف اقولكم ماراح اصدقه لأني قلت افتح ايميلك حلف ان مافيه احد وبعد صراع ومد وجزر فتحه لقيته مضيف 4 ايميلات وتعالو شوفو الاسامي اللي حاطينها المهم تهاوشنا قلت اعطني الرمز اغيره ولاعاد تجي هالايميل قال طيب وللحين ماعطاني مادري وش ينتظر اكيد ينتظرهم يبلغهم اني كشفته وانه بينهي علاقته معهم هذا اذا انهاها او يرسل رقمه او يعطيهم ايميل جديد له قلت انت مسجل بالفيس بوك حلف بصحته وكل مايملك انه مو مسجل وللأسف الكذبه حبلها قصير لقيت رساله انه يبي يغير الرمز بالفيس ولقيت اسمه بالفيس بوك الاسم المستعار قلت وش ذا قام يضحك ويقول انه سجل على شان يشوف الاخبار اللي تجي هناك اول بأول قلت واليمين اللي قبل شوي ؟؟؟؟؟؟؟؟؟؟
ياويلك من ربي وين بتروح من رب العالمين
البارح وحنا نتخاصم قال والله ماعاد اوفر احد اي وحده تكلمه عالمسن او جوال او بالشارع طبعا كلنا نعرف ان فيه حريم قليلات دين مايخافون الله

وقال روحي لبيت هلك والله انك علي مثل امي لين اعرف بس مادري وش قصده يعني يعرف ايش

وقال ان فيه حريم احسن مني ماقد جابو عيال مافهمت قصده بهذي
ويحلف اني ماني شريفه

ويقول لازم يسوي حمض نووي لأولاده لأنهم مايشبهون لوجهه مثل اخر عياله اللي هي بنته


وكلام قوي انا اعتبر اللي قاله اني ماني شريفه اهون من اللي ما اقدر اكتبه لكم
المهم حاولت البارح وربي لين صلاة الفجر ادور حجز لو كان على جناح الطايره بس مالقيت وبكيت لين جفت دموعي المهم لفيت شوي من اغراضي وراح للدوام ويوم رجع لقاني مجهزه كل ملابسي وأي شي يخصني يعني مافي ولا اي شي يخصني نسيته


قام يضحك وسللم ويقول ياهوه السلام لله وش ذا تجهزين الشنط وترتبينها ولا من جد تبين تروحين

طبعا احنا كنا ناوين هالصيف نروح ديرتنا


قلت لا ارتبها على شان نسافر طبعا هو فهمها انها تريقه مني قال لي العني الشيطان وانا اسف وان خربتها اليوم اصلحها باكر ومن ذا الخرابيط اللي يسمعني اياها دايم قال وبقوة وجه ليه ماتجين تفصخين البدله متعود على لمساتك مارديت طلعت وجيت بعد الاذان لقيته صاحي وغير هدومه مع انه بالعاده ينام وبعد الصلاه هجم علي تقولون ثور هايج ورب البيت ماقدرت فيه حسبي الله عليه من غير الاهانه وهضم حقوق وقلت حيا يبي يبعد اللي فراسه والله ورب البيت ماخليته يجيني بس من برى لأني قاعده ادفه واقول عليك كفاره يقول طيب طيب بغيت اعطيه كف وش طيب طيب قال وش اللي تبينه والله مو قادره اتنفس قلت ابي حقوقي الشرعيه اللي سلبتها مني قال مثل ايش قلت حق القذف اللي قذفتني به اهانتك لي والكفاره قال والله لأسوي اللي تبينه المهم انه بعد اللي براسه بس بدون مايجيني وان شاء الله انكم فهمتوني والمعذره عالاسلوب وبعد ماخللص قال وش اللي فراسك قلت مسرع نسيت وكنت ابكي قال خلاص اليوم او بكره اروح الجمعيه ادفع الكفاره قلت ابي اروح لهلي مابيك قال مستحيل والعيال نشتتهم قلت ارضى انهم يتشتتون ولا ارضى اني اعيش مهانه عندك قال ابشري باللي يرضيك قلت ابي ذهب وافق رغم اني قبل شهر شريت ذهب للصيف يعني حتى لو شريت الحين مادري وش اشري

المهم انا ابي مشورتكم اتقبل الرضوه ولا اروح لهلي لأني ورب البيت اني للحظه هذي وانا اكتب لكم احسن اني مخنوقه مو قادره اتنفس تفكيري متشتت احس بضيقه احس بعد الكلام اللي البارح مالي داعي فالوجود

ودي اموت اليوم واعيش باكر
هذا عنوان لأنشوده عاليوتيوب اسمعها كل ما هانني اللي مايتسمى



امانه شورو علي وش اسوي باللي معه بالايميل شلون اوقفه عند حده
تعبت والله تعبت اه ياقلبي

على فكره ورب البيت اني ما أخلي صلاة الليل ودايم ادعي ان الله يبعده عن بنات الحرام وانا مؤمنه ان لي رب كريم مايضيع عنده شي

امانه ادعو لي ان الله يفرج كربتي وضيقتي وان الله يهونها علي
وانا اسفه عالإطاله


على فكره قبل فتره راح لدكتور وتكلم معاه قال له الدكتور لازم تروح لطبيب نفسي وللحين ماراح كل يوم يقول بكره
الله يعين