إن شاء الله مافيه ألا العافية

أنتي بالأول صوري أغراض من البيت

ملعقة ، صحن ، كوب ، ثلاجة ، فرن ، كرة ، تلفزيون ، ريموت ، سريرها

واطبعيها وحطيها بألبوم واكتبي تحت كل غرض اسمه

ولو تطبعين بعد صور مكونه من جُمل مثلاً صورته وهي يأكل
أو يلعب كورة
وتكتبين فلان يلعب كورة
او اذا عنده اخوان تحطين صورهم
مثلاً محمد يشرب العصير

وكل يوم طلعي الألبوم وتفرجي معه وبنفس الوقت انطقي الكلمات والجُمل بشكل واضح

وبعد أسبوع ابدي معه الحوار عالغدا اطلبي منه الملعقة واذا اعطاك رددي ملعقه بطريقة حلوه وتحببه في الترديد

بالمطبخ اذا طلب يشرب أسأليه مويه أو عصير
ويكونون الاثنين معك
وحاولي انه ينطق اللي تبيه

وإذا عندك اشتراك في قنوات المجد راح تستفيدين من قناة روضة لأنه راح يتعلم الارقام والحروف والكلمات منهم

أنتي استعيني بالله ولا تضيعين الوقت ابدي من اليوم

الله يخليه لك و تفرحين به

مشكورة رؤى الله يعطيك العافيه بدات اصور كل شي
الله يعين ويشفيه
انا مو خايفه من التوحد
خايفه من التخلف العقلي وتاخر الكلام
توحد ويتكلم نعمه عند الي مايتكلم

جيبي ايباد او جالكسي تاب فيه لعب جميلة ومؤثرات صوتية تجذبه
فيه لعب الفواكه وادوات البيت على شكل قطع بازل يجمعهم وانت تعلميه عليها
فيه لعبة الشرابات يعلق الشرابات المتشابهه مع بعض
بس يلعب عليه تحت اشرافكانت مرة او مرتين في اليوم
فيه لعبة الملابس يحط اللبس على اللبس المشابه
يعني البنطلون على البنطلون وهكذا
هذي لعبة تقوي الملاحظة والتركيز عنده
عندك لعب التلوين
شوفي لعب تسمي الاشكال
لعب تسمي الاحرف يكتبها بيده
لعب للالوان
هذي لعب الجالكسي حق ولدي
ولدي كبير ويعجبه
الايباد يقال افضل وفيه لعب جميلة بالعربي كمان

ما اتفق معك يا اختي

الايباد والاجهزة تضر طفل التوحد معروف

المفروض يكون احتكاكه باشخاص مو الكترونيات

رايي يحتمل الصواب والخطا

نخليه تحت اشرافنا ونعلمه عليها وقت محدد ونشيلها ما نخليه طول اليوم بكيفه