تكفون ...امي تعبانه وما تاكل ...ابي اطباق خاصه فيها.

السلام عليكم
بنات انا تعبت يوميا اغير بالطبخات عشان امي
امي تعبانه واليوم تنومت بالمستشفى عشان ضغطها مرتفع
وقبلها قعدت 4 ساعات بالمستشى عشان ينزلون السكر مرتفع عندها
ونص الاكل ممنوع عليها
عايشه على نص كاسة شاي مر
وخبزة وحده باليوم اسمر
وخيار (تقشره لان ماعندها اسنان)
والله ماتاكل
اغير في اكلها وكل ما طبخت لها طبخه من اللي تحبها قالت م اقدر اكله ممنوع علي
الله لا يحرمني واياكم بر والدينا ساعدوني
عندها ضغط وسكر وكلسترول وفيها املاح ومنتفخات سيقانها ...ومرات يقولون انتفخها دهون
مع العلم انها نحفتتتتتتتت حيل والله ماتاكل عورت قلبي
ابي تساعدوني الله لا يحرمكم الاجر
شويت لها ذاك اليوم باذنجان لانها تحبه ويوم قدمته لها قالت مشتهيته بس ممنوع علي
والله ضايعه مدري شطبخ لها ؟؟ والله انها 24 ساعه جوعانه وتقزرها خيار مقشر ونص خرغيف خبز اسمر
ساعدوني الله يجزاكم خير