احمدي ربك ربي رزقك اهل زوجك يحبونك و يحبون عيالك ... و ما اعتبرها مشكلة أبد جيبي لها على ذوقك و لبسيها لبس جدتها و بنص الطلعة لبسيها لبس ثاني وش المشكلة .. انتي مكبرتها و تشوفينها تحز بخاطرك لأنك حاطتها قدام عينك بس الأمر سهل جداً

احمممممدي ربك .

ام زوجي كذا تشتري لبناتي ملابس للعيد و كذا و تكلمني تقولي لا تشتري خلاص انا شريت و الصدق ذوقي في اللبس مختلف تمام عن ذوقها يعني مثلا هي تجيب لهم بناطيل و شورتات و تقولي لبسيهم للعيد و انا اشوف حلات البنات بالعيد و المناسبات الكبيرة بالفساتين
الصراحة اطنش و اشتري لهم على ذوقي و اخلي لبسات ام زوجي كغيار ثاني لهم اذا توسخت ملابسهم و كذا

مو تبالغين إلا تدورين النكد بمنقاش

كبريها تكبر و صغريها تصغر
هي أكيد انها تشتري لانها تحب بنتك و تغليها خصوصا اذا كانت أول حفيدة
اذا ذوقها حلو و قريب من ذوقك خير و بركة
اذا مو عاجبك ذوقها لبسي بنتك ملابس جدتها قدام اهل ابوها و لبسيها على ذوقك عند أهلك و صديقاتك
احمدي الله و اشكريه على هالنعمة و استمتعي بهالفترة اللي تعيشيها معاهم
صدقيني راح تتمني بعدين انهم يطالعو في عيالك و يشترو لهم لو قطعة بالغلط
الله يديم المحبة و الود مابينكم و يخلي لك أم زوجك