تكفون انصحوني محتاااارة

السلام عليكم جعل من تعطيني الحل ان ربي يرزقها الجنة والعافيه ويعتقها من النار ويسعدها بالدارين
المشكله انه صارت مشكله مع بنت عمي انه كانت عندنا وكانت تسوي القهوه وانا جالسه انوم ولدي ورجعت لها وجلسنا بالمجلس نتقهوا وفجأه حسيت بأعراض بجسمي حسيت انه في حاجة تدخل من رجليني وحسيت بخمول ودي انسدح واحس بعصبيه ومعدتي تخفك زي كأني سمعت خبر مو زين قاعدة ترجف واقعد شوي قالت هي ااه يامعدتي كأني سامعه خبر مو زين وتناظر فيني وابتسم مجاملة واصعد لغرفتي وفجأه قعدت أصيح بدون سبب دخل زوجي وانا أصيح وقالي وش فيك قلت علمته قال لألا لاتبالغين وطلع واخذت شوي ونزلت لقيت خالتي تحت وانا بين علي اني تعبانة قالت وش فيك قلت مادري شربت قهوت بنت عمي وتعبت قلت لها وش أعراض القيلون العصبي قالت كذا وكذا وقعدت أصيح فجأة قالت تعوذي من الشيطان وانا اسكت وراحت خالتي لها قالت قهوتك وش حاطه فيها قالت ولاشي ليش قالت وبكل عفوية ان بنت اختي تعبانه منها ومن بكرة جتني بنت عمي تدق الباب تبي شامبو وقعدت تناظر فيني وعطيتها وراحت حسبي الله عليها راحت لزوجها اللي هو اخو زوجي وقلبت السالفة اني متهمتها انها ساحرتني ومن بكرة جاني يهاوش حسبي الله عليه كأني بزر عنده وطنشته وراح وانا كل نهاية اسبوع اروح زيارة لاهلي وهي تجي عن اهل زوجي وخواته اذا انا مو موجودة وتقلب السالفة اني انا متهمتها ويوم رجعت لبيت اهل زوجي الا هم متغيرين علي وطنشت حتي رضو من نفسهم المشكلة اني ماعلمت أمي خفت تخاف وتتعب وتسأل انتي وشفيك تعبانة اقول لا بس أرهق من قل النوم وتصدقني والحيوانه كل بيت تشتكي فية وش اسوي معها حتي صارت تطنش اذا جانا ماتسلم علي وهي اصل عاقة بابوها ماتجيه ولاتسلم عليه لانه متزوج علي امها وهاجرة ابوها المهم انا ودي أدق او اروح لها أوضح اني ماجيت طاري السحر وتشتيته من زوجها وال اطنش هم الا اتهمو انفسهم وانا اقول الا فوق راسه بطحا يحسس فوقها انصحوني ياخوات وجزاكم الله خير ونا الحين تجيني الحاله كل اربع شهور وش تفسيرة