تكفون بنات بخصوص لمى

والله يااختي انا مثل وضعك والله بكيت واتاثرت مرا 
ربي يصبر امهاااا 
وحسبي الله عليهم احسهم يماطلون حرقو اعصابي 
اتخيل لو البنت عايشه وهم يماطلون يعني ذبحوها جوع وعطش وضيق المكان والخوف حسبي الله 
الله يربط على قلب امها

كلنا والله متاثريين  انا نفسيتي دماار 
بس خلاص اللي الله كاتبه بيصير 
الله يتولاها برحمته ان شاءالله 
فعلا الموضوع صعب ومخيف الله يعين امها ويصبر قلبها لو انا كان كان مت من الخووف

قبل 15 سنه جربنا وضع قريب من لمى

أهلي عندهم أبل و منزلينها في مكان بعيد حيل و نطلع لها

بأجازة الأسبوع

وقتها كان برد حيل و الصبح يوم الخميس

ضاعت أختي كان عمرها 5 سنوات

من الفجر أختفت كانت تمشي جنبي أحنا و بنات عمي نتمشى

رجعنا للخيام و البنت مو معنا كانت معي وين أختفت فجأه

تعبت نفسياً لأني كنت المسؤله عنها وقتها أمي و أبوي مع

أهلي بالمخيمات و أنا الأخت الكبيره و ضيعت أختي الصغيره

ياربي قلبي أحترق وقتها ما خلينا أحد

ما جبناه يدور عليها

وقتها كل الأحتمالات حطيناها

خطف

أفترستها الذئاب لأن المنطقه اللي كنا فيها تكثر فيها الذئاب

أو وقعت بالأبار لأن كمان المنطقه كلها أبار

و وقت المغيب

حصلها عمي جاب بدوي يقص الأثر و قصو أخر أثر لها

معنا و تبعوه

تخيلو أن أختي أم 5 سنوات من الصبح للمغيب قطعت

30 كيلو عن مكاننا في بر خالي ؟!!

كانت خايفه ومرعوبه و بردانه وما وقفت مشي لين حصلوها

وقتها لما شافت السياره أنبطحت بالأرض على بالها أحد بيسرقها

لكن لما شافت عمي أنهارت


وربي اللي خلقني لما وصلت كانت لابسه بدله لونها أصفر

و أختي لونها كان مثل بدلتها من الرعبه و الخوف و البرد



أحساس لا يمكن وصفه و أعجز عن التعبير فيه

لكنه مؤلم لدرجه الأنسان يتمنى الموت قبل يعيشه



و لمى لأني أحس قريب من أحساس أهلها

تعبتني و حرقت قلبي

ومدري ليش أحساسي يقول أن الغالبيه مو متأكدين

من سقوطها داخل البئر لكنه الأحتمال الأكبر لأختفائها






قلبي يحترق عليها

مو قادره أستوعب الأحساس

يارب تصبر أهلها و لا تفجعنا بغالي



يارب يارب يارب يارب

تكون حية ترزق يا رب يامن تحيي العظام وهي رميم

أحيي لمى و أحفظها بحفظك و خيب كل الضنون فيها

يارب يا حي يا قيوم برحمتك أستجير يارب تتلطف فيها و ترحم

ضعفها و قلو حيلتها

و لا حول ولا قوة إلا بالله العلي العظيم

^
ياحيااتي اتخيل شكلها وهي تنبطح خايفه من السياره
لكن اعجبني ذكائها ماشاء الله عليهاا
الله لا يحطنا في مثل هالمواقف
وكان الله في عون لمى واهلهاا

الله يصبر اهلها يااااااااارب