تكفون بنات جاوبوني ابي اتطمن بس

أسأل الله لكن جميعا شفاء لا يغادر سقما ..


حبيباتي والله ماجيت لهالقسم الا فيني من التعب مالله به عليم .. لو تسالوني وش يوجعك اقول كل شي .. والله حتى منابت شعري توجعني .. عظامي كلها الم مو طبيعي ..راسي فيه صداع مو طبيعي .. اذا خفت هالالام وحسيت اني طبيعيه مااطول كلها يومين بالكثير وارجع .. اوقات اقول من المكيفات اوقات فيتامين د .. مدري عجزت
والمشكله خاااايفه من نتيجة التحاليل .. مابي احلل ..طبعا من 5 سنين تقريبا هالاشياء وهالتعب .. فيني خمووول مو طبيعي ..مابي اسوي شي ..فيني ضيقه .. نظري احسه مو مثل اول بس رافضه اروح اكشف ..اقنع نفسي واقول لو فيني سرطان لا سمح الله ماكنت طولت للحين مامت ..اعرف السرطان اذا ماتعالج يموت صاحبه بإرادة الله طبعا..
الحين من فترة جاني مشاكل وضغوطات نفسية .. صار يجيني صرع طبعا ماكان عندي ابد ولا عندنا بالعايله احد عنده ..صدااع فضيع براسي .. صرت مااتحمل ازعاج وزعل واضاءات قوية .. اعطوني دواء لاميكتال قوة 100 ووقف الصرع بس الاشياء الثانيه نفس الشي ماتغيرت .. كل ماراجعت قالوا ماراح نكمل العلاج معاك ونوقف الدواء الا بعد ماتسوي اشعة رنين مغناطيسي ونركز ع الراس ... من اول ارفض وارفض ..لأني خايفة من النتيجة ..بنات خايفه يطلع معي شي .. اقول اوقات خليني اجلس مااعرف ولا اعرف واتعب زيادة ..
امانه هالاعراض اللي فيني جاتكم قبل تعرفون النتيجة ..يااربي رحمتك فيني خوف مو طبيعي خاصة وان موعد الاشعة قرب ومدري كيف بدخلها واجلس ساعة كامله ..