تكفون بنات حبيباتي جاوبوني

السلام عليكم
يوم الخميس اللي راح كان زواج بنت عمي وحظرنا المناسبه والحظور كان زحمه ماشاء الله تبارك الله المعارف والقرايب المهم كل وحده تسلم على تقول عقبالك تقريباً كلهم هذا شي عادي آمين يارب عقبالي وعقبال كل البنات اللي ماتزوجو ولاكن فيه فئه رفعت ضغطي قسم بالله تقريبا حول 9 حريم وبنات يقولون عقبالك يلا شدي حيلك وش منتظره عفواً كيف أشد حيلي بفهم يعني اروح أدق بيبان الناس واقولهم زوجوني ولدكم ولا طالبين القرب منكم ولا اتعلق بالرجال واقولهم تعالو اخطبوني وقاعدين يناظرون بعيوني ينتظرون اجابه مني وانا مصدومه قسم بالله بعض الناس لو يسكتون استر لهم وأفضل مافهمت يعني اللي يقولون شدي حيلك وش منتظره معناته هم راحو يتعلقون بالرجال ويفاتحونهم بموضوع الزواج ولا تعرفو عليهم ولا كيف مع احترامي لهم بس هم اللي جابو الكلام لنفسهم الشي الثاني مو كل أحد في الدنيا حظه يفلق الصخر مثلهم في بعضهم تتأخر ارزاقهم وبعضهم ربي مايكتب لهم الزواج ولا الوظيفه البشر مو نسخ لصق من بعض في ارزاقهم تختلف أرزاق الناس قسم بالله رجعت البيت وانا مُرهقه نفسياً أعوذ بالله