تكفون بنات ساعدوني...مشكلة طفلتي والحمام

تربية الأطفال جهاااد
ترى الأطفال مختلفين في استعدادهم النفسي و الجسماني لترك الحفاظ
فيه اطفال من سنتين ونص يكون عنده استعداد ومايتعب اهله
وفيه اطفال تطول المرحله معاهم ممكن لـ 4 او 5 سنين
وانتي واضح ان طفلتك ماهي مستعده نفسياً
اصبري عليها فتره وشجعيها و وقتي ساعتك كل ربع ساعه ع الحمام او نص ساعه و اشتري لها مقعد الاطفال الملون يحبو يستخدموه
واذا تعبتي منها رجعيها للحفاظات كم شهر بعدين ابدأي معاها من جديد
ربي يحفظها لك 🌷

نفس مشكلة أختي بنتها ثلاث سنه تعلمت الحمام وصارت امورها تمام بعد شهرين انتكست البنت وصارت تعملها على نفسها لانها شافت ولد صغير تبول على نفسة فصارت تقلدة ورجعت تعلمها من جديد يبغالك تصبري عليها وترجعي تعلميها بهدوء

مشكلتنا .. اننا نستعجل بكل شي ... اغلب الاطفال اللي تصير معهم كذا .. مهم مستعدين نفسيا .. واذا الأم ما انتبهت ممكن الشي يستمر معاها للكبر ... الاطفال يختلفون عن بعض في قدراتهم واستيعابهم ... خلي كل شي بالهدوء وان شاءالله ترجع زي اول واحسن

حبيبتي لا تستعجلين اذا شفتيها ما استقبلت خليها بالحفاظ اهي من نفسها بتتركها ...بس تبدا تستوعب سبحان الله بتتركها ....


عقل الطفل وقدراته تختلف من طفل لطفل


انا بنتي ما حاولت كثير لاني ما ابي اتعب نفسي ...سافرت وخليتها عند اختي وخدامتها ...حاولوا و واعدت الخدامه اذا عرفت لها هديه ...وللاسف ما فيه اي استجابه...بس صار عمرها 3 وثمانيه شهور الحمد لله تركتها من نفسها ...حتى لو اروح زياره لاحد تعرف ..لانها كبرت... صحيح نقدو علي ....بس ماهمني الناس ..كثر ما يهمني راحتي

الادراك يختلف من طفل لاخر بالتدريج اول كافأيها اذا راحت الحمام بعدين امدحيها ع طول وكلفيها باعمال معك حسسيها انها كبيره
يعني عطيها فوطة تمسح الجدار ولا ترتب وكذا