انا طبعا تزوجت وانا كبيره شوي بعمري والحمدلله على قضاء ربي
لاني كنت مقتنعه بكل تاخيره فيها خيره
المهم تزوجت وايام الخطوبه رسمت لنفسي احلام ورديه قال ابي وحده متدينه وتتتقبل وجود امي
وافقت اني اسكن مع امه ويشهد ربي فرحت واعتبرتها امي الثانيه طبعا جت قريبته وشافتني والحمدلله على طول دق على ابوي وقال ابي الملكه قريب وافق ابوي بعد ماسال عنه قريب له ساكن بمنطقتنا لانه هو مو من منطقتنا
وقال لاابوي انه كريم وراعي صلاه تطمن ابوي ياعمري عليه
تملكت وكنت اكلمه اكتشفت فيه كذب بس قلت يمكن اتوهم ومشت اموري الحمدلله وتزوجت
تزوجت وثاني يوم سافرت معه لمنطقته
وانا بالطريق قاللي بصارحك انا تزوجت 3 مرات
طبعا ايام الملكه ماكنت اعرف الا انه تزوج مره بس
انصدمت وفوضت امري لربي تفاجات لما طلب مني يكون ( الجماع في الدبر) عذرا على الكلمه قلت حرام ومايجوز
النقاش هذا كله واحنا بالسياره
قال انتي مثل غيرك ابي تثبتين لي انك غير ولبي طلباتي وتكلمي معي كلام سكسي ووافقي على طلبي
سكت عنه
وصلنا لمدينتنا ورحب في وعرفني على اهله تفاجات انه بيوم جالس حزين ولحاله جيت اتكلم معه جلس يصارخ وطلعني برا الغرفه
تركته يهدا لاحظت ان مزاجه يتغير بسرعه يزعل بسرعه ويرضى يجلس يومين مايتكلم انسان متقلب
ينام وهو بعز السوالف
طبعا انا تعرفت على بنته قلت لها عن مشكلتي قالت ابوي معمول له سحر ربط من قبل اخر زوجه تزوجها وانه تشافى
ضاقت الدنيا بعيني فوضت امري لربي وصبرت ولا قلت لااهلي
سافرنا برا وصارت معاملته معي كويسه ايام وايام زي الزفت لا يسال عني ولا يرحمني ولا شي
رجعنا وتعامل معي كويس واشترينا اغراض لرمضان وكنا مبسوطين وايم والله يجلس يبكي مثل الطفل يقول الله عليك عندك قلب طيب لو العالم عندها مثله كنابخير
وبيوم تفاجات انه رجع لحالته وسالت بنته وش صاير قالت ان اخر زوجه اللي كانت مسويه له السحر رجعت من السفر وقالبه الدنيا يوم عرفت انه تزوج وحلفت ترفع قضيه
واشوفه كل يوم رايح لمحاكم بس مايقول وش عنده
بيوم قريت مسج من زوجته اذا مامريت اليوم لاتلومني على اللي راح يصير وفعلا راح ومارجع لي الا اخر الليل
متغير ومنقلب علي وعلى امه واخته
جاء يوم قال ضفي اغراضك بنزور اهلك وكنت حاسه قلت له انت ناوي على الطلاق وجلس يحلف ايمان انه لا المهم رحنا لااهلي وطلقني يقول ابوي يوم يتكلم عنك جلس يصيح يقول والله ماشفت منها الاكل خير وجلس يمدح سأله ابوي ليش طيب تبي تطلقها قال لانها نحيفه وانا ابي دبه
بذمتكم هذا عذر واحنا شارين حتى اغراض رمضان راسي بينفجر ؟
طبعا نسيت اقولكم بالسفر جبرني اشرب سيقاره وشيشه وكان يبي مني اشرب بس رفضت
طبعا انا جيت لااهلي يوم الثلاثاء قبل رمضان كان مقرر السبت نسافر للبحرين ومكان يسوي اوراق الجنسيه
اخذ جنسيه بحرينيه وكنت اسمع صديقه بالجوال يكلمه وهو يضبط اوراقي
المشكله الحين صار يجيني بالحلم كثير والحمدلله باقي يومين واطلع من العده
القهر يوم العيد كنت متكشخه ومعزومه باستراحه وكانت وحده من قريباتنا قبل اتزوج تغار مني وتحاول تبين انها احسن مني بس وربي كنت مطنشتها وكانت مقهوره انه كان غني والله ماهمني غناه الغنى غنى نفس مو غنى فلوس
وبالعيد قالت لي شفتي مردك (لفلان) هذا واحد من العائله كل الصفات الشينه فيه
هي تقصد انك مطلقه ومالك الا هو وفوضت امري لربي
بنات ادري اني طولت عليكم بس وربي وربي وربي لاادعي من قلبي للي ترد علي
تتوقعون هل صحيح طلقني لاني نحيفه؟
وكيف اطلع من ازمتي هذي؟
ابي انسى كل شيييييي

زهوه2009 @zhoh2009
عضوة فعالة
يلزم عليك تسجيل الدخول أولًا لكتابة تعليق.


ريوف فهد
•
حبوبه صلي على النبي واذكري يا الله
لا يزورج وسواس وتهوجسين لا حبيبتي خذيها مني مولأنج نحيفه لأنه في سبب خافي وهالسبب مايخصج ولا له علاقه فيج !!!
الرجال عمره ماراح يحط العيب في نفسه لوكان ايش ماكان جعله يكون واطي اوطى شي >>>فتحي عقلج ولا تكونين عاطفيه
انتي فكري بعقل مطلق 3 مرات معقوووله كلهم فيهم العيب وهو الصح :mad:هذا نقطه
شوفي صفاته - يجذب عليج من ايام الخطوبه وسويتي طاف وهذا اكبر غلط المفروض انتي بتعرفين اللي يجذب مره يجذب الف ما يبيلها اي تفكير ولو انتي طرحتي مشكلتج ايام الملكه هنا الكل بيقولج اللي هذا اوله ينعاف تاليه
- النقطه الثانيه يطلب منج العلاقه من مكان محرم :mad: هذا شنوووو يعني لا تقولين بعد انتي غلطانه اوتعي
- شيشه ومعسل وسجاير اي رجال عند ذره وغيريه ماراح يطلب من زوجته كل هالطلبات
- وما يعاملج زين يوم حلو و10 مر
- بنته معقوله راح تفضح ابوهااااااا متأكده انها صادقه ؟؟؟ معقوله سحر يخليه كل هذا يصير لو فعلا مثل ماقالت اقل شي زوجته اللي ساحرته تخليه مسحور فيها تسويه له عطف عليها وتخليه مثل الخاتم في اصبعها ,,, او تبي تقنعني انها تبي تعذبه وتخلي عيشته مره!!!>>>كل شي جايز
في لغز وراها وفي اشياء كثير مفقوده وغامضه خذيها مني !!!
انتي شكلج ماتدرين بالدنيا وشكله في امور متخبيه
لا يخوبلون فيج وتجلسين تاكلين في نفسج ترى انتي ضحيتهم صدقيني!!!
بسم الله عليج
صلي ركعتين
وادعي انه الله يرزقج برجال يسواه ويسوى طوايف هله ويعوضج
ولا تنسين
قول الله تعالى:(وَ لَعَلَّ الَّذي اَبْطأَ عَنّي هُوَ خَيْرٌ لي لِعِلْمِكَ. بِعاقِبَةِ االُْمُورِ)
وكل شي له حكمته رب العالمين كتب لج النصيب هذا وبيعوضج باللي افضل منه
بس الحين انتي تمرين بمرحله طبيعيه مصدومه + وسواس+ خلوج تهتز ثقتج بنفسج
لانه بين يوم وليله وياكثرهم اللي يسوون هالحركه
احنا ولد جيرانا تدرين شنو سوا في زوجته جلس معها 6 شهور بالضبط وبدون سبب
وقفها عند الباب ورما ورقة الطلاق بوجهها وهي ماتدري بالدنيا
حسبي الله عليه اللي خلاج تهوجسين بشي ماهو موجود
لا يزورج وسواس وتهوجسين لا حبيبتي خذيها مني مولأنج نحيفه لأنه في سبب خافي وهالسبب مايخصج ولا له علاقه فيج !!!
الرجال عمره ماراح يحط العيب في نفسه لوكان ايش ماكان جعله يكون واطي اوطى شي >>>فتحي عقلج ولا تكونين عاطفيه
انتي فكري بعقل مطلق 3 مرات معقوووله كلهم فيهم العيب وهو الصح :mad:هذا نقطه
شوفي صفاته - يجذب عليج من ايام الخطوبه وسويتي طاف وهذا اكبر غلط المفروض انتي بتعرفين اللي يجذب مره يجذب الف ما يبيلها اي تفكير ولو انتي طرحتي مشكلتج ايام الملكه هنا الكل بيقولج اللي هذا اوله ينعاف تاليه
- النقطه الثانيه يطلب منج العلاقه من مكان محرم :mad: هذا شنوووو يعني لا تقولين بعد انتي غلطانه اوتعي
- شيشه ومعسل وسجاير اي رجال عند ذره وغيريه ماراح يطلب من زوجته كل هالطلبات
- وما يعاملج زين يوم حلو و10 مر
- بنته معقوله راح تفضح ابوهااااااا متأكده انها صادقه ؟؟؟ معقوله سحر يخليه كل هذا يصير لو فعلا مثل ماقالت اقل شي زوجته اللي ساحرته تخليه مسحور فيها تسويه له عطف عليها وتخليه مثل الخاتم في اصبعها ,,, او تبي تقنعني انها تبي تعذبه وتخلي عيشته مره!!!>>>كل شي جايز
في لغز وراها وفي اشياء كثير مفقوده وغامضه خذيها مني !!!
انتي شكلج ماتدرين بالدنيا وشكله في امور متخبيه
لا يخوبلون فيج وتجلسين تاكلين في نفسج ترى انتي ضحيتهم صدقيني!!!
بسم الله عليج
صلي ركعتين
وادعي انه الله يرزقج برجال يسواه ويسوى طوايف هله ويعوضج
ولا تنسين
قول الله تعالى:(وَ لَعَلَّ الَّذي اَبْطأَ عَنّي هُوَ خَيْرٌ لي لِعِلْمِكَ. بِعاقِبَةِ االُْمُورِ)
وكل شي له حكمته رب العالمين كتب لج النصيب هذا وبيعوضج باللي افضل منه
بس الحين انتي تمرين بمرحله طبيعيه مصدومه + وسواس+ خلوج تهتز ثقتج بنفسج
لانه بين يوم وليله وياكثرهم اللي يسوون هالحركه
احنا ولد جيرانا تدرين شنو سوا في زوجته جلس معها 6 شهور بالضبط وبدون سبب
وقفها عند الباب ورما ورقة الطلاق بوجهها وهي ماتدري بالدنيا
حسبي الله عليه اللي خلاج تهوجسين بشي ماهو موجود

زهوه2009
•
الله يسعدك ياريوف دينا واخره ويبرد على قلبك مثل مابردتي علي بردك
وزوجته فعلا خاتم باصبعها تخيلي باسبوع خلته يعطيها 10الالف ريال
طالعه نازله تاكل بفلوسه اكلهم الدود
وزوجته فعلا خاتم باصبعها تخيلي باسبوع خلته يعطيها 10الالف ريال
طالعه نازله تاكل بفلوسه اكلهم الدود

الصفحة الأخيرة
واحمدي ربك طلعتي منه من غير عيال
خيره محد يدري وين الخيره