تكفون بنات ساعدوني مدري ايش اسوي ببنتي ..تعبت انا وياها

بنتي عندها مشكله التبول الاارادي بالليل

والمشكله انها كبرت اللحين وماعاد القى بامبرز مقاسها

البسها واحد صغير عليها ويعورها لما تصحى تصير تصحى ومحزز على جسمها يا عمري

وشلته لها قلت بجرب اصحيها كل 4 ساعات للحمام ونومتها لقيتها مسويه بعد ساعتين من نومتها بس

وحالتنا حاله مع الترويش اليومي وتغيير الفراش يوميا

لو بالصيف ماعندي مشكله بس اللحين بررررررررد ارحمها تتروش كل صبحيه وبرضو الشغاله بتتعب من البطانيات الثقيله وهي تغسلها

تكفون ابي حل ينقذني من هالمشكله لان مو انو انا متضايقه بس المشكله انو بنتي صارت تحس ان هذا نقص عندها وتستحي منه ..

وانا ما ابيها تتاثر ابيها واثقه من نفسها ودايما اقولها عادي توك صغيره وكذا بس للحقيقه كل اللى بعمرها خلاص ما يسوون مدري ليش بنتي كذا :44:
ولو عندكم حل مؤقت لو تعرفون ماركه حفاظات لاعمار كبيره او شي او شغله البسها موجوده بالصيدليات على اساس ما تبلل روحها اى حل تكفون ولكم دعوه من قلب