تكفون بنات ... ضروري وحتما ولابد قبل الساعه 3 اليوم العصر

هلا حبيبتي ان شاء الله يرجع لك بالسلامه
راح افكر وارد عليك

انتظريني

باي

ما أدري والله بس أنا بقوللج اللي في بالي !!
سوي له غدا 5 نجوم تعرفين كيف الفنادق يرتبون الأكل على الطاوله ابدعي في الترتيب وخذي من قسم الأطباق طبق تحسين انه بيعيبه
المهم بعد ما تجهزين الغدا رتبي غرفة التلفزيون وجهزي فيها عصير وحلى عشان تحلون بعد الغدا .... ولو يبا يتم في البيت تشوفون فيلم سوي له فشار ولو عنج تلفزيون بلازما كبير سكري الستاير وعلي الصوت وجنج في السينما
الحمام عطريه وجهزي البانيوم حطي فيه زيوت عطريه وورد مجفف انثريه في البانيوم وكم شمعه طافية إذا ما عندج شموع اكتفي بالورد جهزي ثيابه وعطريهم والمناشف بعد عطريهم .... ولوتخلين الحمام كله بلون واحد يعني الورد نفس لون الفوط نفس لون الرغ اللي في الحمام نفس لون الليفة !!!
في الحمام عاد سبحيه انتي افركي شعره بالشامبو وغسليه بالصابون وفركيه بليفة عدل :) وإذا كان ريلج ضعيف مافي مانع تطبين في الحوض وتسبحين وياه لوووول بس لازم تختارين طقم لبس داخلي حلو وشعرج لا تبللينه لفيه وارفعيه فوق وخلي ماكياجك يكون طبيعي مب مبالغ فيه
بعد الحمام يمكن يبا ينام نشفيه عدل انتي وقوليله انته اليوم طفلي المدلل اطلب اللي تباه وأنا بسويلك إياه المهم لبسيه ثيابه وخذيه لغرفة النوم إذا يبا ينام نيميه وبوسيه وقوليله تصبح على خير :)

شمس بيتنا
مشكوره عالدعوه وهذي عندي احلى من المشاركه

ام ميثا

ربي يوفقك دنيا واخره وتسلمين حبيبتي عالمشاركه من جد استفدت منها ربي يخليكي ويجملكي بعين زوجك وميناظر طول عمره حد غيرج ....

:) السلام عليكم

إذا عندج ساري هندي ----> سويله غداء هندي و ولبسي الساري وسوي شعرج مثل الهنديات وحطي مكياج هندي

وإذا عندج الدراعه الصينية ---> سويله أكل صيني (نودلز - وهالسوالف) وحطي مكياج صيني ولمي شعرج مثل الصينيات


انشالله اكون فدتج

سوي الغدى اللي هو يحبه وبعدها بخري البيت والغرفه وسوي حركات بالغرفه تعدلي وتزيني على سنقت عشره على قول المصرين سوي شي جديد يعني غير فينفسج بستايل جديد ما مره شافه عليج وعليج بالطيب والدلع

\واهم شي عليج بالكلام الزين مثل وحشتني يا بعد عمري وخبرج من هالموال ما علمج