الله يعافيكم بنات ابي منك راي او حل لمشكلة صديقتي
واللي ماعندها حل ياليت ترفع الموضوع بدعوه
مشكلتها مع امها
تقول امي مهما اسوي لها ما احس بحنان مثل باقي الامهات
تقول دايم تقلل من قدري حتى لو جبت لها هديه
اما ترميها بالمستودع او تعطيها احد
صديقتي لها اخت صغيره ماتزوجت تقول امي دايم ماتصحي اختي الا عل هواش تقولها نايمه للحين
البنات اللي كبرك معهم عيال وانا اجلس اصحيك وكأنك بزر
تقول صديقتي ملينا من اهاناتها وسوء ظنها بالناس
حت ابوهم طفش من تصرفات امهم وماصار يجلس بالبيت
تقول اسرار بيتنا كلها عند الناس وعند خوالي واذا قلنا لامي لا تقولين للناس صارت تهاوش وتزعل
تقول لها خاله ما تطلع اسرار بناتها ابد عكس امي وامي تعطيهم موجز بكل شي صاير بالبيت
حت تقول برمضان اذا جينا نشتغل بالمطبخ امي تبي كل شي هي تسويه واذا ماسوينا شي جلست تسب وتدعي عليهم
تقول تعبنا معها ومع اسلوبها اذا سوينا خير ما تشوفه واذا مره سويت شين نست كل شي نسويه لها
دايم تنزل من قدرنا حت لو عند الناس
دايم تطلع اخبارنا واسرار بيتنا لخواتها واخوانها وهم يدورن الزله والا الشماته علينا وعلى ابونا واخوانا
وش رايكم يابنات وش الحل مع الام هذي ؟

زهوه2009 @zhoh2009
عضوة فعالة
يلزم عليك تسجيل الدخول أولًا لكتابة تعليق.

كشة نمله
•
تجلس مع امها لوحدهم وتقبل راسها وتقولها امي قوليلي غلطي علشان اعدله وارضيكي ماهمني بالدنيا الارضاكي وتقولها ياامي مايعجبني تسوين كذا وكذا قدام الناس مهما كان انا بنتك ويكون كلامها باللين وكلام الحب والموده علشان تحنن امها وتتكلم معها اااااه ليت امي ترجع بس حتى تضربني كل يوم الف مره الله يرحمها يارب ويرحم كل اموات المسلمين انحرق قلبي بموتها الله لايذوقكم فراق الام


زهوه2009
•
الله يرحم امك خيتو ويجعل مسكنها جنه عرضها السموات والارض
والله يااختي ان صديقتي وخواتها تكلموا مع امهم وقالوا لها كذا وكذا بس تقول ما حصلنا اي تجاوب حتى ابوهم تكلم
بس تقول سبحان الله امي ربي مسخرها لاخوانها وخواتها على حساب بيتها
هم مايطلعون ولا شي عن اسرارهم وامي تقول كل صغيره وكبيره عن اخبار بيتنا واسرارنا
صرنا مانقول لها اسرارنا نتمنى حضن دافيئ وقلب حنون ينصحنا ويوجهنا لطريق الصح بس للاسف ما نحصله عن امنا
والله يااختي ان صديقتي وخواتها تكلموا مع امهم وقالوا لها كذا وكذا بس تقول ما حصلنا اي تجاوب حتى ابوهم تكلم
بس تقول سبحان الله امي ربي مسخرها لاخوانها وخواتها على حساب بيتها
هم مايطلعون ولا شي عن اسرارهم وامي تقول كل صغيره وكبيره عن اخبار بيتنا واسرارنا
صرنا مانقول لها اسرارنا نتمنى حضن دافيئ وقلب حنون ينصحنا ويوجهنا لطريق الصح بس للاسف ما نحصله عن امنا

كشة نمله
•
مالك الا الصبر وكثري الاستغفار وادعي ربك بكل لحضه ان يسخرها ويحنن قلبها عليكم والله مافيه ام تكره عيالها بس بعض الامهات الله يطول اعمارهم اسلوبهم كذا اونفسيتها تعبانه جيبي لها ماء مقري يمكن احد حاسدكم اوعين انتهبي عطيها بدون ماتعرف حطيه بالثلاجه اوالترمس يصير اهل البيت كله يشربون منه جربي منتي خسرانه الله يحفظها لكم امين

الصفحة الأخيرة