تكفون بنات فسروا لي حركات زوجي وزوجه اخوه / قديم

مساء الخير حبيباتي






مشكلتي باينات زوجي مع زوجه اخوه اللي هي بنت خالتي من لحمي ودمي اسمعوا اللي اقوله واحكموا اذا نا غلطانه او لا


قبل شهرين ونص زوجي وداها المدرسه الصباح وكان اول دوام لها وطبعا زوجي عاده دوامه صباح وزوجها كمان صباح بدل مايوديها زوجها وداها زوجي


حتى زوجي وداها المدرسه وراح العمل لمن رجع العصر قالي انا وديت مرت اخوي المدرسه الصباح

عصبت وزعلت قلت وليه ماقلت لي ورحت معك توديها بروحك وهيه كيف سمحت لنفسها تركب معك بدون محرم

وليه زوجهاماوداها مو دوامه صباح مثلك قال ايوه بس اخوي مايقدر يسترخص من العمل عشان يوديها قلت الله واكبر وانت رخصوا لك وربي انك ماتستحي لا انت ولاهي وصارت هوشه


قال احترمي نفسك هذي زوجه اخوي يعني لايروح بالك بعيد

قلت مافي شئ بالدنيا زوجه اخوي لايخلو رجل باامراه الا الشيطان ثالثهما ترضى اني اركب مع سواق لحالي قال مارضى قلت وشلون انت رضيت توديها بروحك وانا مو معك وهي وشلون رضت على نفسها انت توديها


ولاكمان مره تقول لي اخاف اركب مع السواق ماشاءالله واخو زوجك تركبي معه

وبعدين للضروره احكام لو انها تعبانه وربي مازعل لو وداها انا انحرق بيتي يابنات وكنت بروحي بالبيت انا وولدي وزوجي وقتها كان بالبر وكان يوم خميس واتصلت علي جارتي ابكي اقولها بيتي محترق وزوجي موفيه قالت بسرعه تعالي عندي قلت انا بالحوش وماخذت عبايتي من الخوف وعلى ولدي جيبي له عبايه وتعالي
وجت هي وزوجها ورحت معها وزوجها اتصل على الدفاع المدني وقالوا لازم صاحب البيت يجي عشان الاجراءت وش سبب الجريق جارنا كلم زوجي وزوجي خاف ودق علي قالي الحين بجي وبكلم اخوي يجي ياخذك يوديك بيتهم قلت مابي بجلس عند جارتي قالي لازم تروحي اخوي الحين بيحي ياخذك ورحت وربي استقبلتني زوجته الا هي بنت خالتي
اسوا استقبال مع انه طيبه معها حتى لمن دخلت كانت نايمه وقالي زوجها اجلسي بالمجلس بروح اناديها حتى جلست وتاخرت ماجتك ولاهي فرحانه بجيني حطت لي فراش انام عليه وراحت نامت الا بعد ساعتين ونص زوجي جا خلص اجراءته مع الدفاع المدني وبعدها رحت سكنت ببيت اخوه المطلق لانه ينام مع صاحبه عزابي
لما خلصوا بيتي

طبعا هذا غير مشاكل سوتها وطلعت عني كلام ماقلته ومشاكل كثيره سوتها وفوق اللي تسويه ياينات وقسم بالله مانسيت انها بنت خالتي ومن لحمي اروح ازوها مع اني اقطعها فجاءه وبعدين احس صميري يانبني اقولها خليني اكون احسن منها وماقطع صله الرحم واروح ازورها مره تصير مافي مثلها مره تقلب علي

اتصلت عليها مره ابي ازورها قالت اخواتي بيجوني اعتذر منك شوفي قله الادب سكت قلت خلاص ازورك بوقت ثاني
جلست زعلانه اسبوع الا زوجي يقول خليكي احسن منها ويالله نزورهم عشان اخويه قلت اوك ورحت زرتها
المهم زرتها اول العيدوقلت لها بكره اخواتي بيجون الله يحيك تعالي وجت ثاني يوم العصر وكنا مسوين عشاءالمهم تاخر العشاء وزوجها كان دوامه الساعه 9 بالليل راح العمل وخلاها عندنا قالت لي زوجي راح العمل بعد العشاء خلي فلان يوديني قلت اقعدي لما الصباح وزوجك طالع من الدوام يجي ياخذك رفضت تعشينا قالت ابي اروح رحت لزوجي قلت يالله نوديها تبي تروح قالي انت تبي تروحي قلت اجل تبي توديها بروحك قال لا بس قصدي اوديها انا وفلان اللي هو زوج اختي وبعدها نلفلف عالكورنيش ونجي عصبت قلت بسرعه يالله نوديها وبعدين نتفاهم على اللي قلته علمت اختي عصبت قالت وربي لاوريك فيه تقصد زوجها لبست عبايتي ورحت وديتها هذا من غير عبايتها المخسره اللي بتشقق من فوقها وفاتحتها عشان البنطلون يبان رجعت االبيت الا اختي تقول لما سالت زوجي هل صدق تبي تروح مع فلان تودنها تقول قلب وجهه صار احمر قال والله ماقال شئ ولاجاب لي سيره بالله من اصدق زوجها ولازوجي وقفلت الموضوع ماسالت زوجي مابي اسوي مشاكل واختي فيه

واليوم الثالث طلعت انا واختي الكورنيش الا شوي وهيه جايه هي وزوجها استغربت انا ابي اخذ راحتي مع اختي مابي ارتبط مع احد اول يوم صح عزمتها انا عندي عشان اختي جايه بس مو كل شوي تجي وياريت تجي من محبه


رجعنا البيت الا قالي زوجي بكره راح نسوي شوي بالبيت واخوي واهله بيجون زعلت قال وش فيك زعلانه قلت لا ولا شئ سوي اللي يريحك من يوم جت اختي وربي ماخذت راحتي معها وانت كل شوي تناديهم وجت المغرب عندي المهم تعشينا الا زوجي يناديني رحت له قال اخوي راح العمل لانه مستعجل ومن هالكلام اسئليها تبيني اوديها خلاص حسيت اني فعلا بنفجر رحت قلت لهاوش رايك تقعدين لمن الصباح زوجك يجي ياخذك قالت لاابي اروح الحين وديتها وربي ياجاني ضيق م طبيعي مدري احس في شئ مجهول ماعرفه


هذا من غير لما احكي لها عن زوجي يصير وجهها احمر ويتقلب مدري ليه

تكفون ياينات اقروا قصتي وعطوني رايكم باللي صار معي كله هل شئ عادي ولا غلط ولا انا مكبره الموضوع تكفون ريحوني وربي شاكه بينهم شئ لان في اشياء ماحكيت لكم عنها مابي وحده تدخل تقرا الموضوع وتطلع بدون ماترد واللي ماتبي ترد ترفع الموضوع